PM:07:26:21/01/2025
164 جار خوێندراوەتەوە
+
-
سەرۆكێ ڤەلڤینا نەوەی
نوێ، بەرسڤا ئالیێن دەرڤەی پارتی ددەت دەربارێ پرۆژەیێ نەوەی نوێ و راگەهاند،
سوبەهی رۆژا حەق و حسابێ یە و تا نها یەکێتی ب فەرمی بەرسڤ نەدایە. دبێژیت ژی،
یەکگرتوو و کۆمەل دڤیت هەلویست هەبیت مادەم خۆ ب ئۆپۆزسیۆن دزانن.
ئەڤڕۆ سێشەمبی ٢١ـێ
کانوونا دووێ، شاسوار عەبدولواحید سەرۆکێ ڤەلڤینا نەوەی نوێ راگەهاند، سوبەهی رۆژا
حسابێ یە، رۆژا هندێ یە کو بۆ هەمی جیهانێ دیاربکەین کو ئەرێ ئەو حکومرانیا کو 33
سالە هەیە سوبەهی هەمی هێز دێ چنە خزمەتا پارتی و سەرۆک حکومەت و
پۆستێن دی دێ دەنەڤە پارتی یان دێ هێن ب هەلویستەکێ وێرەکی پشتەڤانیا پرۆژەیێ نەوەی
نوێ کەن.
گوت ژی، یەکێتی ب فەرمی
بەرسڤ نەدایە، دەربارێ یەکگرتوو و کۆمەل ژی شاسوار عەبدولواحید راگەهاند، پێدڤیە
هەولیست هەبیت مادەم ئەو خۆ ب ئۆپۆزسیۆن دزانن.
ئەڤە دەمەکی دایە، نەوەی
نوێ رۆژا شەمبییا بووری پشتی کۆمبوونا فراکسیۆنێ، شاسوار عەبدولواحید،
دەستپێشخەرییەک و پرۆژەیەک بۆ ئالیێن دەرڤەی پارتی و یەکێتی راگەهاند، نەوەی نوێ و
ئالیێن دەرڤەی پارتی ٥٠ کۆ ئێک پێکدئینن و دشێن حکومەتێ پێکبینن. گوت ژی، ئالیێن
سیاسی ئەگەر ڕاست بێژن سەرۆک وەزیرێن حکومەتێ دیار بکەن ئەو وەکو نەوەی نوێ دێ دەنگی
ب بەربژێرێ وان دەن و پۆست ژی نەڤیت.
هەڤدەم، محەممەد سلێمان
سەرۆکێ ب تەمەنێ پەرلەمانێ رۆژا ئێکشەمبییا بووری ب نڤیسارەکێ پەرلەمانتارێن گەرا
شەشێ بنگهێشتکرن کو رۆژا چارشەمبی کۆمبوونا پەرلەمانێ دێ ب ڕێڤەچیت ژبووی دەستنیشانکرنا
دەستەیا سەرۆکاتیا پەرلەمانێ کوردستانێ.