PM:04:48:20/01/2025
316 جار خوێندراوەتەوە
+
-
د چەند رۆژێن دەربازبووی
دا ل زاخۆ چەندین تاوانێن دزیێ هاتینە ئەنجام دان، پەیڤدارێ پۆلیسێن زاخۆ ژی
دبێژیت، تۆهمەتبارێن هەمی تاوانان هاتینە دەستەسەرکرن.
ئەڤڕۆ دووشەمبی ٢٠ـێ کانوونا
دووێ، ئەحمەد رەمەزان پەیڤدارێ پۆلیسێن زاخۆ د کۆنگرەیەکێ رۆژنامەڤانی دا راگەهاند،
ب تۆهمەتا ئەنجام دانا دزیێ د چەند رۆژێن دەربازبووی دا ل زاخۆ ٩ کەس هاتینە دەستەسەرکرن.
ئەو یەکژی بەرچاڤکر،
تاوانێ ئێکێ شەڤا دەربازبووی ل ئێک ژ تاخێن زاخۆ دناڤبەرا دەمژمێر ٨ بۆ ١١ێ شەڤێ روودایە
کو دوو کەسان قاسەیەک ژ مالەکێ دزییە کو کۆژمێ ٢٠ هزار دۆلاران تێدابوون.
ئاماژە ب وێیەکێ ژیکر،
بتنێ پشتی نیڤ دەمژمێرێ ژ ئەنجام دانا تاوانێ دوو تۆهمەتبار هاتنە دەستەسەرکرن دەست
بسەر وی کۆژمێ پارەی دا هاتەگرتن.
بەحسا وێیەکێ ژیکر،
تاوانەکا دی یا هەڤئاوا حەفتییەکێ بەری نوکە ل جهەکێ بازرگانی روویدا بوو، قاسەیەک
کۆ کۆژمەکێ پارەی تێدا بوو ژلایێ چار کەسان هاتبوو دزین، لێ سێ دەمژمێران پشتی
ئەنجام دانا تاوانێ هەر چار تۆهمەتبار هاتنە دەستەسەرکرن.
راگەهاند ژی، تاوانێ
سێیێ ل کەمپا چەمشکۆ روویدایە و کۆژمێ ١٢ ملیۆن دیناران ژلایێ سێ کەسان هاتبوو
دزین. گوت ژی، هەر سێ تۆهمەتبار خەلکێ دەرڤەی ئیدارەیا زاخۆ بوون و هاتینە
دەستەسەرکرن.
زێدەتر گوت، هەمی تۆهمەتباران
لهەمبەر دادوەرێ ڤەکۆلێنێ دان ب تاوانێن خۆ دانایە و لدیف یاسایێ دێ سەرەدەری دگەل
دا دهێتەکرن و پارەیێ وان دزی دێ بۆ خودانان هێتە ڤەگەڕاندن.