ئەندامەکێ بەرێ یێ نەوەی
نوێ ل پەرلەمانێ کوردستانێ راگەهاند، نەوەی نوێ بڕیار دایە ئەگەر د حکومەتێ دا بیت
یان ئۆپۆزسیۆن بیت دێ جێبەجێکارا داخازیێن خەلکی بیت، ژبەر هندێ چ جاران دەنگێ
خەلکی ب وەزارەت و پلە و پۆستان نافرۆشیت.
ئەڤڕۆ ئێکشەمبی ١٩ـێ کانوونا دووێ، کاوە عەبدولقادر ئەندامێ
نەوەی نوێ بۆ گەڕا پێنجێ ل پەرلەمانێ کوردستانێ راگەهاند، نەوەی نوێ هەردەم دێ ل
بەرەیا خەلکی بیت ژبەر هندێ بڕیار دایە ببیتە ئۆپۆزسیۆن و نەچیتە دناڤ حکومەتێ دا
ئەگەر نەزانیت دێ دەستهەلاتا تەمام هەبیت بۆ خزمەتکرنا خەلکی.
ئاماژە ب وێیەکێ ژیکر،
بۆ بیرئینان د کابینەیا نەهێ یا حکومەتێ دا، یەکێتی ب ٢٢ کورسیان پێنج وەزارەت
هەبوون، گۆڕان ل سالا ٢٠١٤ ب ٢٥ کورسیان
پشکداری د حکومەتێ دا کری ب تنێ چار وەزارەت هەبوون، لێ نەوەی نوێ ب ١٥ کورسیان
شەش وەزارەت و ٥٠ پۆستێن وەکیل وەزیر و ڕێڤەبەرێن گشتی ڕەتکرن.
ئەو یەکژی بەرچاڤکر، ژبەرکو پیڤەرێ نەوەی نوێ بۆ
پشکداریکرن د حکومەتێ دا ئەوە ئەرێ تا چەند دێ شێت خزمەتا خەلکی بکەت و ئەو سۆزێن
ب خەلکی داین د حکومەتێ دا جێبەجێ بکەت، ژبەر هندێ هەردەم سۆزێن خۆ ل بیرن کو ل
دەمێ هەوا هەلبژارتنێ ب خەلکی داینە.