PM:07:25:16/01/2025
112 جار خوێندراوەتەوە
+
-
فراکسیۆنا نەوەی نوێ ل
پەرلەمانێ کوردستانێ راگەهاند، حکومەتا
ڕێڤەبرنا کارێن هەرێمێ دەمێ چەندین سالانە ب نەیاسایی پلە بلندکرنا فەرمانبەران
ڕاگرتییە، لێ دەستوەردانێ د ژیێ خانەنشینیێ دا دکەت.
ئەڤڕۆ پێنجشەمبی ١٦ـێ کانوونا دووێ فراکسیۆنا نەوەی نوێ
راگەهاندنەک بەلاڤکر و تێدا هاتییە، راگرتنا پلە بلندکرنا فەرمانبەران بنپێکارییا
مافەکێ یاسایێ فەرمانبەرێن هەرێمێ یە کو ب نەیاسایی هەیڤانە کۆژمەکێ پارەی ژ
مووچەیێ وان دهێتە بڕین ژبەر هندێ دڤیت هەمی مافێن وان بهێتنە ڤەگەڕاندن.
ئاماژە ب وێیەکێ ژیکر،
بڕیاردان لسەر ژیێ خانەنشینیێ و خزمەتا فەرمانبەران د دەستهەلاتا سەرۆکێ حکومەتا
ڕێڤەبرنا کارێن هەرێمێ دا نینە، بەلکو ئەڤە دەستێوەردانە د دەستهەلاتا یاسادانانێ
دا ژبەرکو خانەنشین بووی لدیف یاسایی یە، ژبەر هندێ هەر گۆهرانکارییەک دڤێت ل
پەرلەمانێ بیت.
ئەو یەکژی بەرچاڤکر،
خانەنشین بوونا فەرمانبەران لدیف یاسایێ هاتیە ڕێکخستن د دەستهەلاتا حکومەتا
ڕێڤەبرنا کارێن هەرێمێ دا نینە، یاسایا خانەنشینییا ئێکگرتی یا ژمارە نەهـ یا سالا
٢٠١٤ێ یا عێراقێ ل هەرێما کوردستانێ وەکو خۆ جێبەجێ بکەن لدیف بڕیارا داداگەها فیدرالی.