PM:12:19:03/01/2025
572 جار خوێندراوەتەوە
+
-
هژماره‌یکا
ئه‌گه‌ران هەنە وه‌كى سیسته‌مێ خارنێ و زێده‌بوونا كێشا له‌شى و هنده‌ك ده‌رمانان
کو دبنه ئه‌گه‌رێ په‌یدابوونا به‌ركێن گولچیسكان و هنده‌ك رێكێن سرۆشتى بۆ چاره‌سه‌ریا
به‌ركێن گولچیسكان هه‌نه.
رووپەلێ Healthline هنده‌ك رێكێن سرۆشتى بۆ چاره‌سه‌ریا به‌ركێن
گولچیسكان دیاركرینه، ل دویف وێ رووپەلێ، ڤه‌خارنا رێژه‌یه‌كا باش یا ئاڤێ بۆ خۆپاراستنێ
ژ به‌ركێن گولچیسكان هه‌روه‌سا چاره‌سه‌ریا وێ یا گرنگه.
ئاماژە
ب وێ یەکێ ژی کریە، پێدڤیه مرۆڤ رۆژانه دوو لترێن ئاڤێ بۆ سنوورداركرنا په‌یدابوونا
به‌ركێن گولچیسكان ڤه‌خۆت.
هه‌روه‌سا
ئاماژه ب وێ چه‌ندێ كریە، ڤه‌خارنا شه‌ربه‌تێن لیمۆن، كه‌ره‌فس، مەعده‌نووس و ریحانێ
ژ تشتێن گرنگن بۆ كێمكرنا مه‌ترسیا تووشبوونێ ب به‌ركێن گولچیسكان هه‌روه‌سا ژناڤبرنا
به‌ركێن بچیك د گولچیسكان دا دهێنه هژمارتن، ئه‌ڤ چه‌نده ژبه‌ر هه‌بوونا مادده‌یا
سیترات تێدا كو دروستبوونا به‌ركێن گولچیسكان سنووردار دكه‌ت و كار ل سه‌ر ژناڤبرنا
وان دكه‌ت.
هەروەسا
نوژدارێن تایبەتمەند تەکەزی ل سه‌ر گرنگیا ڤەخارنا شه‌ربه‌تا هنارێ كریه، ئه‌ڤ چه‌نده
ژ به‌ر هه‌بوونا دژه‌ئۆكسانان تێدا كو ساخله‌میا گولچیسكان دپارێزن و سنووره‌كێ بۆ
دروستبوونا به‌ركێن گولچیسكان ددانن.
ب
ئاوایەکێ گشتى و لدویف گوتنا پسپۆران، ڤه‌خارنا رێژه‌یه‌كا باش یا ئاڤێ، خارنا فێقى
و كه‌سكاتیان و ئه‌نجامدانا وه‌رزشێ بۆ خۆپاراستنێ ژ به‌ركێن گولچیسكان و چاره‌سه‌ریا
وێ یا گرنگه.