AM:09:36:24/12/2024
4208 جار خوێندراوەتەوە
+
-
هێشتا شاندێ
هەرێمێ ل بەغدایە و بڕیارە پشتی نیڤرۆ یا ئەڤرۆ کۆمبوونا جڤاتا وەزیرێن عێراقێ
بهێتە کرن، وەزیرا داراییا عێراقێ بابەتێ هنارتنا مووچەیێ هەیڤا ١٢ و پارەیێن دی
بۆ هەرێمێ دبەتە وێرێ و دهێتە چاڤەرێکرن ئەڤرۆ بڕیار لسەر بهێتە دان.
ئەڤرۆ
سێشەمبیێ، هێشتا شاندێ هەرێمێ ل بەغدا یە، لدویف زانیاریێن ئێن ئاڕ تی، هەرێمێ
داخازا نێزیکی ٤٥٠ ملیار و مووچەیێ هەیڤا ١٢ کریە و بەغدا ژی ل هەمبەر مووچەیێ
هەیڤا ١٢ داخازا داهاتێ ناڤخۆ و رادەستکرنا نیڤا داهاتێ پێنج هەیڤان دکەت. هەروەسا
بەغدا گۆتیە دێ خەرجکەین، لێ ناهنێرین تا داهاتی رادەست دکەن، حکومەتا رێڤەبرنا
کاران ب رێکا وێ شاندێ داخاز کریە بەحسێ رادەستکرنا داهاتێ ناڤخۆ بچیتە حساباتا
داراییا سالا بهێت.
هەڤدەم،
میدیایێن عێراقێ بەلاڤکرن، ئێک ژ تەوەرێن کۆمبوونا ئەڤرۆ یا جڤاتا وەزیرێن عێراقێ
ئێکلایکرنا پرسا مووچەیێ هەیڤێن ١١ و ١٢ یێن مووچەخۆرێن هەرێمێ دبیت و دهێتە
پێشبینیکرن جڤاتا وەزیران ب چەند مەرجان بڕیارێ لسەر هنارتنا وی پارەی بدەت.
حەفتیا
دەربازبووی حکومەتا عێراقێ ٦٣١ ملیار دینار بۆ مووچەیێ مووچەخۆرێن هەرێمێ هنارتن،
لێ حکومەتا رێڤەبرنا کاران تا نوکە ب هێجەتا کورتئینانێ وەرنەگرتینە.