PM:03:17:23/12/2024
5768 جار خوێندراوەتەوە
+
-
شاندێ هەرێمێ ل بەغدا یە
و بڕیارە دگەل وەزارەتا داراییا عێراقێ دەربارەی مووچەیێن هەیڤێن ١١ و ١٢ یێ
هەرێمێ کۆم ببن و چارەنڤیسێ مووچەیێ وان دوو هەیڤان ئێک لای بکەن.
ئەڤرۆ دووشەمبیێ، شاندێ
هەرێمێ ل بەغدایە و بڕیارە دگەل وەزارەتا داراییا عێراقێ کۆم بیت بۆ چارەسەرکرنا ئاریشەیێن
مووچەیێن هەیڤێن ١١ و ١٢.
لدویف زانیاریان،
حکومەتا رێڤەبرنا کاران داخازا پارەیێ دی ل بەغدا دکەت، هەرچەندە بەغدا ب وان
ڕاگەهاندیە، هنارتنا پارەی بۆ مووچەیێ هەیڤا ١١ تەمام بوویە و پارەیێ دی ناهنێرن و
حکومەتا رێڤەبرنا کاران ژی رژدە لسەر وێیەکێ کو ب هەر ئاوایەکی بیت بەغدا پارەیێ
زێدەتر بۆ مووچەی بهنێریت.
هەڤدەم، بەغدا ئەویەک ژی
ڕاگەهاندیە، پێدڤیە هەرێم پێگیر بیت ب رادەستکرنا داهاتێ ناڤخۆ، لێ حکومەتا
رێڤەبرنا کاران نە بۆ بەغدا دهنێریت داکو بەغدا پارەیێ مووچەی بهنێریت، نە مووچەی
پێ دابەش دکەت.
نێزیک دبین ژ دوماهیا
هەیڤا ١٢ هێشتا هەمی مووچەخۆرێن هەرێمێ مووچەیێ هەیڤا ١٠ وەرنەگرتیە و چارەنڤیسێ مووچەیێن
هەیڤێن ١١ و ١٢ ژی دیار نینە.