PM:08:19:21/12/2024
424 جار خوێندراوەتەوە
+
-
نوینەرێ مامۆستایێن
وانەبێژ ڕاگەهاند، حکومەتا رێڤەبرنا کاران دگەل خۆ ژی دا یا راستگۆ نینە ژبەرکو بەری
نها بڕیاردابوو دگەل مامۆستایێن هەردەمی مووچەیێن وەربگرن، لێ تا نها وان شایستەیێن
دارایێن هەیڤێن 7 و 8 وەرنەگرتینە و چ ژ چارەنڤیسێ مووچەیێ هەیڤێن 9 و 10 و 11 و
12 نزان و نزانن ژی ئەو گرێبەستن یان وانەبێژ.
ئەڤرۆ شەمبی، عەلی رەئوف
نوینەرێ مامۆستایێن وانەبێژ بۆ ئێن ئاڕ تی ڕاگەهاند، حکومەتا رێڤەبرنا کاران دگەل
نڤیسارێن خۆ ژی دا راستگۆ نینە کو بەری نها ب نڤیسارەکێ راگەهاندبوو شایستەیێن
دارایێن مامۆستایێن وانەبێژ دێ دگەل مامۆستایێن هەردەمی هێنە دابەشکرن، لێ تا نها
وان شایستەیێن دارایێن هەیڤێن 7 و 8 ژی وەرنەگرتینە.
دەربارەی ب گرێبەستبوونا
وان ئاماژە ب وێ یەکێ ژی کر، نیڤا وان گرێبەستە و نیڤا دی ژی وانەبێژە ژبەرکو چ ژ
چارەنڤیسێ خۆ نزانن.
ئەو یەکژی بەرچاڤکر،
حکومەتا رێڤەبرنا کاران چ منەت ب پەروەردە و مامۆستایان نینە و ژبەرکو ئەگەر یا
راستگۆبا دگەل وان دا درەو ژوان نەدکرن.
بەحسا وێ یەکێ ژی کر، وان
ئەرکێن خۆ جێبەجێکرینە ، لێ حکومەتا رێڤەبرنا کاران مافێ مە نادەتە مە و ئەگەر
گیروبوونا مووچەیێ وان دێ هەلویستێن توندتر هەبن.
ئەڤە د دەمەکی دایە، ل
هەرێما کوردستانێ نێزیکی 38 هزار مامۆستایێن وانەبێژ هەنە و حکومەتا رێڤەبرنا
کاران نێزیکی شەش هەیڤانە مووچە ب وان نەدایە و تا نها بڕیارا داویێ لسەر ب
گرێبەستبوونا وان ژی نەدایە.