PM:01:46:06/12/2024
536 جار خوێندراوەتەوە
+
-
زانکۆیێن کوردستانێ ل
رێزبەندیا زانکۆیێن عەرەبی بۆ سالا 2024، زانکۆیا دهۆکێ ل رێزا ئێکێ لسەر ئاستێ
هەرێمێ و رێزا شەشەما عێراقێ دهێت، زانکۆیا سلێمانیێ ل رێزا دوویێ هەرێمێ و پلەیا
نەهێ یە لسەر ئاستێ زانکۆیێن عێراقێ.
زانکۆیا دهۆک ل رێزبەندیا
زانکۆیێن عەرەبی بۆ سالا 2024 ئێکەما سەر ئاستێ زانکۆیێن هەرێمێ و شەشەما سەر
ئاستێ زانکۆیێن عێراقێ یە کو ژلایێ سزایا (Times Higher Education) هاتیە بەلاڤکرن.
هەر د وێ رێزبەندیێ دا
هاتیە سلێمانی دوویەما هەرێمێ یە و نەهەما عێراقێ یە و زانکۆیا سەلاحەدین – هەولێر
سێیەم و دەهەما سەر ئاستێ عێراقێ یە.
رێزبەندیا زانکۆیێن
عەرەبی ئێکە ژ رێزبەندیێن سازیا تایمز بۆ خاندنا بلند و پشت ڤەنا هەلسەنگاندنێن ل
خوارێ دهێتە گرێدان بۆ دیار کرنا رێزبەندی و ئاستێ زانکۆیان:
ژینگەهێ فێربوونێ
ناڤودەنگیا وانە گوتنێ (ب رێکا راپرسیێ دهێتە ئەنجام دان)
رێژەیا باوەرنامەیا دکتۆرایێ هەڤبەر ب هژمارا مامۆستایان
رێژەیا مامۆستایان هەڤبەر ب خاندەکاران
رێژەیا باوەرنامەیا دکتۆرایێ هەڤبەر ب هژمارا بەکالوریوس
داهاتێ زانکۆیێ لدویف هژمارا مامۆستایان
ژینگەهێ ڤەکۆلینان
ناڤودەنگیا ڤەکۆلینان (ب رێکا راپرسیێ دهێتە ئەنجام دان)
هژمارا ڤەکۆلینان هەڤبەر ب
هژمارا مامۆستایان
پارەیێ تەرخانکری بۆ ڤەکۆلینان بۆ هەر مامۆستایەکی
کوالێتیا ڤەکۆلینان
بهێزیا ڤەکۆلینان
ئاستبەرزیا ڤەکۆلینان
کاریگەریا ڤەکۆلینان
ب نێڤدەولەتی بوون
رێژەیا خاندکارێن نێڤدەولەتی
رێژەیا مامۆستایێن نێڤدەولەتی
ڤەکۆلینێن هەڤبەشێن نێڤدەولەتی
کاریگەری لسەر جڤاکی
داهاتێ ڤوکۆلینان بۆ هەر مامۆستایەکی
پشکداریکرن ل ڕانکینا کاریگەریێ
پێگەهـ ل ڕانکینا کاریگەریێ
د ڤێ رێزبەندیێ دا، هەلسەنگاندن بۆ زانکۆێن ڤان ولاتان هاتیەکرن:
جەزائیر، بەحرەین، کۆمۆرۆس، جیبووتی، مسر، عێراق، ئوردن، کوەیت، لوبنان، لیبیا،
مۆریتانیا، مەغریب، عومان، فەلەستین، قەتەر، سعودیە، سۆمال، سودان، سوریا، تونس،
ئیماراتا ئێکگرتیا عەرەبی و یەمەن.