AM:11:44:23/11/2024
1088 جار خوێندراوەتەوە
+
-
ژێدەرەکی ژ وەزارەتا داراییا عێراقێ بۆ ئێن ئاڕ تی ڕاگەهاند، د ئێک دوو
رۆژێن بهێت دا بڕیارا خەرجکرنا مووچەیێ مەها ١٠ دهێتە دان.
ئەڤرۆ شەمبیێ، ژێدەرەکی ژ وەزارەتا داراییا عێراقێ بۆ ئێن ئاڕ تی ڕاگەهاند،
چ ئاریشە د مووچەیێ مەها ١٠ دا نینە و د ئێک دوو رۆژێن بهێت دا بڕیارا خەرجکرنا
مووچەیێ مەها ١٠ دهێتە دان.
دەربارەی مووچەیێ مەهێن ١١ و ١٢ـێ ژی ئەویەک بەرچاڤ کر، چارەسەریا مووچەیێ
وان دوو مەهان هاتیە کرن و هنارتنا وی لسەر پێگیربوونا هەرێمێ مایە ب رادەستکرنا
بەشەکا داهاتێ ناڤخۆ.
ئەڤە ژی د دەمەکی دایە، نێزیک دبین ژ مەها ١٢ و تا نها مووچەخۆرێن هەرێمێ
مووچەیێ مەها ١٠ وەرنەگرتیە و هەڤئاوایێ مەهێن بوری ژی حکومەتا رێڤەبرنا کاران
دابینکرنا مووچەیێ مووچەخۆران پشتگوهـ هاڤێتیە.
پێشتر ژێدەرەکێ هایدار ل بەغدا بۆ ئێن ئاڕ تی ڕاگەهاند، دهێتە چاڤەرێکرن د
ڤێ حەفتیێ دا بەغدا پارەیێ مووچەیێ مەها ١٠ رەوانەی هەرێمێ بکەت و دەست ب
دابەشکرنا مووچەی بهێتە کرن.