AM:08:49:23/11/2024
212 جار خوێندراوەتەوە
+
-
پشتی هێرشێن مووشەکیێن روسیا بۆ سەر ئۆکرانیا بهایێ پەترۆلێ ب ئاوایەکێ بەرچاڤ بلند بوو، د نها دا بەرمیلەکا پەترۆلا خاڤا برێنت ب ٧٥ دۆلار و ٣٦ سەنتان بازار پێ دهێتەکرن، هەڤبەر ب دوهی بهایێ وێ بلند بوو.
ئەڤڕۆ شەمبی، بهایێ بەرمیلەکا پەترۆلا رۆژئاڤایا تێکساس ب ٧١ دۆلار و ٢٤ سەنتان بازار پێ دهێتە کرن، هەڤئاوایێ پەترۆلا برێنت هەڤبەر ب دوهی بهایێ وێ بلند بوو.
ئەڤە ژی د دەمەکێدایە، ژبەر ئالۆزیێن شەرێ روسیا – ئۆکرانیا بهایێ پەترۆلێ ب ئاوایەکێ بەرچاڤ بلند بوو و د دەمێ حەفتیەکێ دا ٤٪ بهایێ وێ بلند بوویە.
هەڤدەم، بڕیارە ژ دەسپێکا مەها کانوونا دووێ د ئەڤسالە دا زەڤیا پەترۆلا تەنگیز کو مەزنترین زەڤیا کازاخستانە، ڤەگەریت ب بەرهەمئینانا تەمام و وەزارەتا ئێنرجیا کازاخستان راگەهاند، ب ژڤانن ل سالا ٢٠٢٥ـێ ٩٠ ملیۆن تەنێن پەترۆلێ بەرهەم بئینن.