AM:11:57:26/10/2024
608 جار خوێندراوەتەوە
+
-
ئارتێشا ئیرانێ
ڕاگەهاند، د هێرشا شەڤا دەربازبووی یا ئیسرائیلێ دا دوو سەربازێن وان ژیانا خۆ ژ
دەستداینە. هەڤدەم، پەیڤدارا حکومەتا ئیرانێ ڕاگەهاند، زەرەرێن وێ هێرشێ سنوردارن.
ئەڤرۆ شەمبیێ، ئارتێشا
ئیرانێ د ڕاگەهاندنەکێ دا بەحسێ وێ یەکێ کریە، د هێرشا شەڤا دەربازبووی یا
ئیسرائیلێ دا دوو سەربازێن وان ژیانا خۆ ژ دەستداینە.
هەڤدەم، فاتیمە
موهاجەرانی پەیڤدارا حکومەتا ئیرانێ بەحسێ وێ یەکێ کر، زەرەرێن وێ هێرشێ سنوردارن
و ئەو هێرش هاتینە تێکشکاندن.
شەڤا دەربازبووی ب
زێدەتری ١٠ بالەفرێن بێ بالەفرڤان ئیسرائیل هێررشەکا بەرفرەهـ کرە سەر ٢٠ ئارمانجان
ل رۆژئاڤا و باشورێ ئیرانێ و ژێدەرەکی ژ ئارتێشا پاسدارێن ئیرانێ بۆ ئاژانسا
تەنسیم ڕاگەهاندەیە، ئیران یا بەرهەڤە بۆ بەرسڤدانا ئیسرائیلێ.