PM:06:54:14/10/2024
408 جار خوێندراوەتەوە
+
-
کۆمپانیا دی ئێن ئۆیا
نەرویجی ڕێژەیا بەرهەمئینانا پەترۆلێ راگەهاند، د چارێگا سێیێ یا ئەڤسالە دا بەرهەمئینانا
پەترۆلێ ل هەرێمێ زێدەبوویە و رۆژانە ١٧ هزار و ٦٠٧ بەرمیلێن پەترۆلێ بەرهەم ئیناینە.
کۆمپانیا دی ئێن ئۆیا
نەرویجی ڕیژەیا بەرهەمئینانا پەترۆلێ راگەهاند، د چارێگا سێیێ یا ئەڤسالە دا رۆژانە
١٧ هزار و ٦٠٧ بەرمیلێن پەترۆلێ بەرهەم ئیناینە و ئەڤەژی دوو جاران هندی ڕێژەیا
سالا بووری بوویە.
ئاماژە ب وێیەکێ ژیکر، د چارێگا سێیێ یا سالا بووری دا رۆژانە ٩ هزار و
٨٩٧ بەرمیلێن پەترۆلێ بەرهەم دئینان و د چارێگا سێیێ یا ئەڤسالە دا ئەڤ ڕێژەیە بۆ
دوو جاران هند زێدەبوویە و د چارێگا دووێ یا ئەڤسالەدا رۆژانە ٤٤٠ بەرمیلێن
پەترۆلێ زێدەبووینە.
بەحسا وێیەکێ ژیکر، سەرجەمێ گشتی د چارێگا سێیێ یا ئەڤسالە دا ٨٤ هزار
و ٢١٢ بەرمیلێن پەترۆلێ بەرهەم ئیناینە و د جارێگا دووێ یا ئەڤسالە دا ٧٩ هزار و
٧٨٣ بەرمیل بەرهەم ئیناینە.
لدیڤ دیڤچوونەکا ئێن ئاڕ تی، فرۆتنا پەترۆلێ ب قاچاغ ژلایێ پارتی و
یەکێتی زێدەبوویە و د نهادا رۆژانە زێدەتری ٣٠٠ هزار بەرمیلێن پەترۆلێ ب ڕێکا
ولاتێن جیران ڕەوانەی چینێ دکەن، داهاتێ مەهانە یێ فرۆتنا پەترۆلا قاچاغ نێزیکە ژ
٥٠٠ ملیۆن دۆلاران و ئەو پارە ڕاستەوخۆ دچیتە بەریکا بنەمالەیێن بارزانی و
تالەبانی.
فرۆتنا پەترۆلێ
ب قاچاغ بڤی ڕەنگی یە، پشتی کو سوتەمەنی ل هەرێمێ دگەهیتە دەرازینکان و دیڤدا ب
ڕێکا تورکیا و ئیرانێ دهێتە ڕەوانکرن بۆ ئەفغانستان و پاکستان و تورکمانستان،
دیڤدا بۆ چینێ دهێتە ڕەوانکرن. هەر لدیڤ زانیاریان، داهاتی فرۆتنا پەترۆلێ ب قاچاغ
مەهانە دگەهیتە نێزیکی ٥٠٠ ملیۆن دۆلاران و پارە ب ڕێکا سێ کۆمپانیایێن پارتی و
یەکێتی دچیتە بەریکا کەسێن ئێکێ و دووێ دناف بنەمالەیێن بارزانی و تالەبانی.