PM:01:45:14/10/2024
344 جار خوێندراوەتەوە
+
-
وەزارەتا داراییا عێراقێ بۆ ئێن ئاڕ تی ڕاگەهاند، تەماما مووچەیێ مەها نەهـ
بۆ مووچەخۆرێن هەرێمێ هنارتیە و پارەیێ تەمام ل بەردەستێ هەرێمێ نە بۆ دابەشکرنا
مووچەی.
ئەڤرۆ دووشەمبی،
وەزارەتا داراییا عێراقێ بۆ ئێن ئاڕ تی ڕاگەهاند، بۆ مووچەیێ مەها نەهـ یێ مووچەخۆرێن
هەرێمێ، کۆژمێ ئێک ترلیۆن و ١٠ ملیۆن دینار بۆ هەرێمێ هنارتینە.
ئاماژە ب وێیەکێ ژیکر، زێدەباری کو وان پارێ تەمام هنارتیە، لێ هەرێم
داخازا کۆژمەکێ دی یێ پارەی ژوان دکەت.
هەڤدەم، لدویف زانیاریێن ئێن ئاڕ تی، حکومەتا رێڤەبرنا کاران یا پارتی
و یەکێتی دەست بسەر وی پارەیێ بەغدا دا گرتیە و مووچەی پێ دابەش ناکەت.
ژلایەکێ دی ڤە، نووچەگەهانێ ئێن ئاڕ تی ل بەغدا بەحسا وێیەکێ کر،
شاندەکێ وەزارەتا داراییا حکومەتا رێڤەبرنا کارێن هەرێمێ ل بەشێ ژمێریاری و بودجەی
وەزارەت هاتینە بەغدا و زنجیرەیەکا جڤینا دگەل بەشێ ژمێریاریا وەزارەتا داراییا
عێراقێ و وەزیرێ داراییێ عێراقێ کرینە.
ئەو یەکژی بەرچاڤکر، وی شاندێ هەرێمێ، د وێ جڤینێ دا داخازا ٢٥٠ ملیار
دینارێن دی کرینە بۆ مووچەیێ مەها نەهـ.
دوهی ئێکشەمبی، وەزیرا داراییا عێراقێ راگەهاند،شتی
بڕیارا دادگەها فیدرالی بۆ دانا مووچەیێ مووچەخۆرێن هەرێمێ، حکومەتا رێڤەبرنا
کارێن هەرێمێ پێگیری رادەستکرنا داهاتێ پەترۆلێ نەبوویە ب بەغدا.
ئاماژە ب وێ یەکێ ژی کر،
لدویف بڕیارا حکومەتا عێراقێ وان بەردەوام پارەیێ مووچەی بۆ هەرێمێ هنارتیە، لێ
حکومەتا رێڤەبرنا کارێن هەرێمێ چ داهاتێ پەترۆلی بۆ بەغدا نەڤەگەراندیە.
ئەو یەکژی بەرچاڤکر، تەیف سامی وەزیرا داراییا عێراقێ ڕاگەهاند،
حکومەتا رێڤەبرنا کارێن هەرێمێ پێگیری بڕیارا دادگەها فیدرالی نەبوویە بۆ
رادەستکرنا داهاتێ پەترۆلێ ب بەغدا ل هەمبەر هنارتنا مووچەیێ هەرێمێ.
ئەڤە د دەمەکێدایە، ل
٢٨ـێ مەها حەفت یا سالا دەربازبووی، هەرێم و بەغدا لسەر پێنج خالان رێکەفتن و
لدویف وێ رێکەفتنێ هەرێم دڤێت هەمی داهاتێ پەترۆلێ و ٥٠٪ـێداهاتێ نە پەترۆلی
رادەستی بەغدا بکەت، د هەمبەر دا حکومەتا عێراقێ ماف و شایستە دارایێن هەرێمێ دێ
هنێریت.