AM:08:36:13/10/2024
440 جار خوێندراوەتەوە
+
-
پشتی هێرشێن مووشەکیێن ئیران بۆ سەر ئیسرائیل،
بهایێ پەترۆلێ ب ئاوایەکێ بەرچاڤ بلندبوو و د نها دا بهایێ وی زێرێ رەش نەبنەجهە و
گۆهڕینا رۆژانەیا بهایێ وێ دناڤبەرا دوو بۆ سێ دۆلاران دایە.
ئەڤڕۆ ئێکشەمبی، بهایێ بەرمیلەکا پەترۆلا خاڤا
برێنت ب ٧٩ دۆلار و ٤ سەنتان بازار پێ دهێتە کرن.
هەڤدەم، بەرمیلەکا پەترۆلا رۆژئاڤایێ تێکساس ب
٧٥ دۆلار و ٥٦ سەنتان بازار پێ دهێتەکرن.
ئەڤە دەمەکی دایە، ڕێکخراوا ئۆپێک پلەس رۆژانە
بەرهەمئینان ب ڕێژەیا پێنج ملیۆن و ٨٦ هزار بەرمیلێن پەترۆلێ کێم کرینە و ئەڤ کێم
کرنە تا کانوونا ئێکێ یا ئەڤسالە دێ بەردەوام بیت دیڤدا بەرهەمئینان دێ ب ڕێژەیا
١٨٠ هزار بەرمیلێن پەترۆلێ زێدەکەن.
ژلایەکێ دیڤە، ئالۆزیێن سیاسی و چەکداریێن رۆژهەلاتا
ناڤەڕاست و جەنگێ روسیا و ئۆکرانیا و شەڕێ غەززە بۆ لوبنان سەدەمەکێ دیێ نەبنەجهیا
بهایێ پەترۆلێ یە.