PM:01:22:25/10/2021
1112 جار خوێندراوەتەوە
+
-
وەزارەتا سامانێن سروشتی ل حکومەتا هەرێما کوردستانێ نڤیسارا فەرمیا
ڤەلڤینا نەوی نوێ بۆ ئینانا بەنزینێ و فرۆتنا وێ ب بهایەکێ ئەرزان، وەرنەگرت.
ئەڤرۆ دووشەمبی، نوێنەرێ ڤەلڤینا نەوەی نوێ ل باژێرێ هەولێرێ نڤیسارا فەرمیا
ڤەلڤینا نەوەی نوێ بۆ ئینانا بەنزینێ بۆ ناڤا هەرێماکوردستانێ وفرۆتنا هەر لترەکێ
ب ٥٠٠ دیناران بۆ وەلاتیان ئاراستەی وەزارەتا سامانێن سروشتی کر لێ وەزارەتا
ناڤبری نڤیسارا فەرمیا نەوەی نوێ وەرنەگرت.
ئەڤە د دەمەکیدایە شاسوارعەبدولواحید سەرۆکێ ڤەلڤیینا نەوەی نوێ داخازکر ڕێک
پێ بهێتە دان بەنزینا ٥٠٠ دیناری بینن و دووهی ئێکشەمبێ ڤەلڤینێ بنڤیسارا فەرمی
داخاز ژ وەزارەتا سامانێن سروشتی کر بێ باج وسەرانە رێکێ بدەن بەنزینێ بینە ناڤا
هەرێمێ.
دووهی ژی پشتی دەسپێشخەریا سەرۆکێ ڤەلڤینا نەوەی نوێ بۆ ئینانا بەنزینێ،
حکومەتا هەرێمێ ڕاگەهاند، رێژا زێدەتر ژ ٥٠٠ هزار لترێن بەنزینێ د گەهنە هەرێمێ و ل
دوو ڕۆژێن داهاتی ژیدا ئەو ڕێژە دووجارکی هندی وێ زێدە دبیت.
لدەمێ دەربازبووی و بئاوەیەکێ پلە بەند بهایێ بەنزینێ بلند بوو و بڤێ
چەندێژی بارگرانی بۆ سەر وەلاتیان و شۆفێران دروستکر.
ژلایێ خۆڤە ژی، ڤەلڤینا نەوەی نوێ دەست بپارڤەکرنا بەنزینێ کر بسەر
شۆفێراندا و لترەکێ بەنزینا نۆرمال ب ٥٠٠ دیناران فرۆت، سەرباری وێ بەلگەنامەکا ئێک
ژکۆمپانیێن کوالێتیا کۆنترۆل زەلالکر ئەو
بەنزینا نەوەی نوێ د فرۆشیت ب بهایێ نۆرمال ، ئۆکتانا وێ بلندە و کوالێتیا بەنزینا
محەسەن تێدایە.
بەرپرسێن هەرێمێ دچەندین لێدوانێن جودا دا سۆزدابو وەلاتیان کو قەیرانا بەنزینێ
و بلند بوونا بهایێ وێ بزیترین دەم دێ چارەسەر کەن، لێ تا نها ئەو ئاریشە بێ
چارەسەری مایە و بەردەوام بهایێ بەنزینێ بلند دبیت.
جـ ،عـ