PM:01:12:20/08/2024
584 جار خوێندراوەتەوە
+
-
د کڤانێ بزاڤێن قەتەر و ئەمریکا و میسر دا بۆ ئەنجامدانا ئەگربەستێ ل
غەززە، وەزیرێ دەرڤەیێ ئەمریکا پشتی سەرەدانا وی بۆ تەلئەبیب گەهشتە قاهیرە یا
پایتەختێ میسر.
ئەڤرۆ سێشەمبیێ، ئەنتۆنی بلینکن وەزیرێ دەرڤەیێ ئەمریکا گەهشتە قاهیرەیا
پایتەختێ میسر و دهێتە چاڤەرێکرن دگەل عەبدولفەتاح سیسسی سەرۆکێ میسر و عەباس
کەمال سەرۆکێ هەولگریا میسر کۆم ببیت.
دوهی ژی، ئەنتۆنی بلینکن ڕاگەهاند، پێدڤیە هەمی ئالیێن پەیوەندیدارێن شەڕێ
غەززە ل هەر پێنگاڤەکێ دویر بکەڤن کو ببیتە سەدەمێ ئالۆزتربوونا وێ رەوشێ، ژبەرکو
بزاڤ بۆ ئاگربەستێ بەردەوامن.
ئەویەک ژی بەرچاڤ کر، بنیامین ناتانیاهۆ سەرۆک وەزیرێن ئیسرائیل رازی بوویە
ب پێشنیارا ئەمریکا بۆ ڕاگەهاندنا ئاگربەستێ و د نها دا ژی ب تنێ رازیبوونا حەماس
مایە.
بەحسا وێ یەکێ ژی کر، د چەند رۆژێن داهاتی دا دچیتە میسر و قەتەر و
بەردەوامیێ ب دانوستاندنان بۆ ئاگربەستێ ددەن و پێدڤی هەمی ئالی دویر بن ژ ئالۆزتر
کرنا وێ رەوشێ.
ل 31ـی حوزاەیرانێ، جۆ
بایدن سەرۆکێ ئەمریکا رەشنڤیسەک بۆ ڕاگەهاندنا ئاگربەستێ ل غەزە پێشکەش کر کو ب سێ
قۆناغان دهێتەکرن و د قۆناغا ئێکێ دا شەش حەفتیان ئاگربەست دێ هێتەکرن و هێزێن
ئیسرائیل ب تەمامی ل غەزە دێ ڤەکشێن و ئیخسیرێن فەلەستینی دێ هێنە ئازادکرن.
د قۆناغا دوویێ ژی دا
هەمی ئیخسیرێن ئیسرائیلی ب ئیخسیرێن سەربازی ڤە ژی و هەمی سەربازێن ئیسرائیل غەزە
چول بکەن و د قۆناغا داویێ ژی دا غەزە بهێتە ئاڤاکرن و تەرمێ ئەو کەسێن ژیانا خۆ
ژدەستداین دێ ب خێزانێن وان هێنەڤە دان.