AM:10:29:26/07/2024
100 جار خوێندراوەتەوە
+
-
کۆشکا سپی ڕاگەهاند، د
جڤینا سەرۆکێ ئەمریکا و سەرۆک وەزیرێن ئیسرائیل دا سەرۆکێ ئەمریکا تەکەزی لسەر
ئەنجامدانا ئاگربەستێ کر ب زوویترین دەم.
ئەڤرۆ ئەینی، کۆشکا سپی ڕاگەهاندنەک
بەلاڤکر و تێدا هاتیە، د جڤینا دناڤبەرا جۆ بایدن سەرۆکێ ئەمریکا و بنیامین
نەتانیاهۆ سەرۆک وەزیرێن ئیسرائیل دا بایدنی داخازکر ب زوویترین دەم ئەو ڤالاهیێن
ئەولەهی کو هەنە بهێنە تژیکرن و ئاگربەست بهێتە ئەنجامدان.
بەحسا وێ یەکێ ژی کر،
بایدن داخازکریە ب زوویترین دەم خالا داویێ بۆ شەرێ غەزە بهێتە دانان و ئیخسیر ژی
ڤەگەرنە مالێن خۆ و قەیرانا مرۆڤی ب داوی بهێت.
لدیف وێ ڕاگەهاندنا
کۆشکا سپی بایدنی ئاماژە ب وێ یەکێ ژی کریە، پێدڤیە رێک بهێتەدان هەڤکاریێن مرۆڤی
ب ساناهی و بێ رێگری بچنە ناڤ غەزە و ژیانا وەلاتیێن سڤیل یا پاراستی بیت.
ئەو یەکژی بەرچاڤکر،
"ئەمریکا ب توندی یا پێگیرە ب ئاسایشا ئیسرائیل لهەمبەر هەمی گەفێن گروپێن چەکدار".
دوهی بنیامین نەتانیاهۆ
سەرۆک وەزیرێن ئیسرائیل سەرەدانا ئەمریکا کر، و ل کۆنگرێسێ وی ولاتی گوتارەک
پێشکەشکر و دگەل جۆ بایدن سەرۆکێ ئەمریکا کامیلا هاریس جێگرا سەرۆکێ ئەمریکا و
ئیلۆن مەسک خودانێ کۆمپانیێن ئێکس و سپەیس ئێکس و تێسلا جڤیا.