PM:04:37:07/05/2024
84 جار خوێندراوەتەوە
+
-
شێورمەندەکێ سەرۆک وەزیرێن عێراقێ بۆ ئێن ئاڕ تی ڕاگەهاند، د هەیاما مەهەکێ
دا سەرڕاستکرنا یاسایا بودجەیێ عێراقێ ل پەرلەمانی دهێتە پەسەندکرن بۆ وێ مەرەمێ
ژی بێهنڤەدنا یاسا دانانا پەرلەمانی پاش دئێخن.
ئەڤرۆ سێشەمبیێ، سەلاح بوشی شێورمەندێ سەرۆک وەزیرێن عێراقێ بۆ ئێن ئاڕ تی
ڕاگەهاند، وان دڤێت رێکارێن دەستوری هەبن و عێراق د بزاڤێن وێ یەکێ دایە ب ئێک
جاری ئاریشەیان دگەل هەرێمێ چارەسەر بکەت.
بەحسا وێ یەکێ ژی کر، جێبەجێکرنا یاسایێن دهێنە دەرخستن ئەگەر ژ لایێ
دادگەها فیدرالی یان دەستهەلاتا جێبەجێکار بیت وی دەمی ئەرکەکە پێدڤیە هەمی ئالیەک
پێڤە پێگیر بیت.
ئاماژە ب وێ یەکێ ژی کر، حکومەتا عێراقێ بزاڤێن چارەسەرکرنا تەماما
ئاریشەیان دکەت دناڤبەرا خۆ و هەرێمێ دا و هەرێم ژی بەشەکە ژ عێراقێ و پێدڤیە
لهەڤتێگەهشتن دناڤبەرا وان دا هەبیت.
گۆت ژی، بێهنڤەدنا یاسادانانا پەرلەمانی ل ٩ـێ ٥ دێ ستپێکەت، لێ مەهەکێ ئەو
بێهنڤەدان دهێتە پاشخستن تا بکەڤیتە ٩ـێ مەها ٦ و سەرڕاستکرنا بودجەی بهێتە
پەسەندکرن.