PM:01:21:07/05/2024
4524 جار خوێندراوەتەوە
+
-
د نهادا ل بازارێن دراڤان ل هەرێمێ ١٠٠ دۆلار هەڤبەری
١٤٥ هزار و ٥٥٠ دیناران بازار پێ دهێتەکرن.
ئەڤڕۆ سێشەمبی، ل دەمێ ڤەکرنا بازارێن دراڤان ١٠٠ دۆلار
هەڤبەری ١٤٥ هزار و ٤٠٠ دیناران بوو، لێ نها بلندبوویە بۆ ١٤٥ هزار بۆ ٥٥٠ دیناران.
لدیڤ نووچەیێن میدیایێن عێراقێ، بەنکا ناڤەندی هاتیە ئەرکدارکرن بۆ کۆنترۆلکرنا بهایێ دۆلاری و راگرتنا قاچاغیێ ب دراڤێن بیانی، بۆ ڤێ مەرەمێ ژی عێراق بزاڤان دکەت هەمی مامەلەیێن ولاتی بکەتە ئەلیکترۆنی. دبیژیت ژی، "تیمەکا کارێ هەڤبەش دناڤبەرا دەسهەلاتا گشتی یا باج و ئاسایشا نیشتیمانی و وەزارەتا ناڤخۆ دێ هێتە پێکئینان بۆ بەرهنگاربوونا تاوانان لبن سەرپەرشتیا بەنکا ناڤەندی".
ژلایێ خوڤە ژی، پەیڤدارێ بازارێ دراڤان ل سلێمانیێ بۆ ئێن ئاڕ تی راگەهاند، بهایێ دۆلاری ب ئاوایەکێ بەرچاڤ نزم بوویە ئەگەر فرۆتنا دۆلاری ب ئاوایێ کاش و حەوالە بڤی ئاوایێ نها بمینیت دهێتە پێشبینیکرن بهایێ ١٠٠ دۆلاران ب ١٤٥ هزار دیناران بمینیت.
ئەڤە د دەمەکی دایە، بەنکا ناڤەندیا عێراقێ راگەهاند، د هەیاما دوو حەفتیان دا ب هەردوو ئاوایێن کاش و حەوالە نێزیکی سێ ملیار دۆلار فرۆتینە.