PM:11:18:26/04/2024
36 جار خوێندراوەتەوە
+
-
شانەیا راگەهاندنا
ئەولەهیا عێراقێ راگەهاند، ب فەرمانا فەرماندەیێ گشتی یێن هێزێن چەکدارێن عێراقێ،
لژنەیەک هاتە پێکئینان بۆ ڤەکۆلینێ لسەر هێرشێن زەڤیێن غازا کۆرمۆر.
ئەڤڕۆ ئەینی، شانەیا
راگەهاندنا ئەولەهیا عێراقێ راگەهاند، ئیدانەیا هێرشا سەر زەڤیێن غازا کۆرمۆر
دکەین و ئەنجام دەرێن وی هێرشێ دێ هێنە دیتن و دێ هێنە سزادان.
ئاماژە ب وێیەکێ ژیکر،
ب فەرمانا محەممەد شیاع سودانی فەرماندەیێ گشتییێ هێزێن چەکدارێن عێراقێ، لژنەیەک
هاتە پێکئینان بۆ ڤەکۆلینێ ژ هێرشێن سەر زەڤیێن غازا کۆرمۆر.
ژلایێ خۆڤە، پەیڤدارێ
حکومەتا رێڤەبرنا کاران راگەهاند، داخازا هەڤبەندی و هەڤکاریێ بلەز ژ دەزگەهێن پەیوەندیدارێن
حکومەتا عێراقێ دکەین تا ئەنجام دەرێن هێرشا سەر زەڤیێن کۆرمۆر بهێنە ئەشکراکرن و
رووبرووی یاسایێ بهێنە کرن.
ئەڤەژی پشتی وێیەکێ
دهێت، ئێڤاریا ئەڤڕۆ ئەینی، ب بالەفڕێن بێ بالەفڕڤان هێرش بۆ سەر زەڤیێن غازا کۆرمۆر
هاتە ئەنجام دان و د ئەنجام دا چار کەسان ژیانا خۆ ژ دەستدان و سێ کەسێن دی برینداربوون.
پشتی هێرشێ، وەزارەتا
کارەب و سامانێن سروشتی یێن حکومەتا رێڤەبرنا کارێن هەرێمێ راگەهاند، بسەدەما هێرشا
درۆنی بۆ سەر زەڤیێن غازا کۆرمۆر هنارتنا گازێ بۆ وێستگەهێن بەرهەمئینانا کارەبێ
هاتیە ڕاوەستاندن و ژبەر هندێ نێزیکی دوو هزار و ٥٠٠ مێگاواتێن کارەبێ کێمبووینە.