PM:02:43:26/04/2024
120 جار خوێندراوەتەوە
+
-
سەرۆکێ ڤەلڤینا نەوەی نوێ ڕاگەهاند، پرۆژەیێ هژمارا من نە یاساییە و چ
حکومەتەک نەشێن مووچەخۆران نەچار بکەت ل چەند بەنکێن جودا مووچەی وەربگرن.
ئەڤرۆ ئەینی، شاسوار عەبدولواحید سەرۆکێ ڤەلڤینا نەوەی
نوێ د کۆنفرانسەکا رۆژنامەڤانی دا بەحسا وێیەکێ کر، دوو پێنگاڤان دێ گرنەبەر
دەربارێ ب بانکیکرنا مووچەیێ مووچەخۆرێن هەرێمێ و د پێنگاڤا ئێکێ دا د پلانا وان
دایە رێک ب مووچەخۆرێن هەرێمێ بهێتە دان ب ئاوایەیێ ئۆنلاین هژمار بەنکیێن عێراقێ
ڤەکەن و مووچەیێن خۆ د وێ هژمارێ دا وەربگرین.
ئاماژە ب وێیەکێ ژیکر، دووەم پێنگاڤ ژی دێ بزاڤان کەن رێکێ بدەنە
مووچەخۆران ب حەزا خۆ ل هەر بەنکەکا کو وان بڤێت هژمار بەنکیێ ڤەکەن، گوت ژی،
"داخازێ ژ مووچەخۆران دکەم پشکداریێ د هژمارا من دا نەکەن".
شاسوار عەبدولواحید، دەربارێ ڤەکرنا لقێن بەنکێن عێراقێ
ل هەرێمێ بەحسا وێیەکێ کر، فڕاکسیۆنا نەوەی نوێ ل پەرلەمانێ عێراقێ مژیلی پرسا
ڤەکرنا وان لقانە، لێ یەکێتی و پارتی ئاریشەیا بۆ وێ پرسێ دروست دکەن.
ڕاگەهاند ژی، دێ بزاڤان کەن ئەگەر لقێن بەنکیێن رەشید و
رافیدەین ژی نەهێنە ڤەکرن مووچەخۆر دشێن ب ئاوایێ ئۆنلاین هژماران د وان بەنکان دا
ڤەکەن و مووچەیێن خۆ وەربگرن.