AM:08:43:24/04/2024
52 جار خوێندراوەتەوە
+
-
لدیڤ داتایێن بازارێن جیهانی یێن پەترۆلێ، د نها
دا ئێك بەرمیلێ پەترۆلا برێنت ب ٨٨ دۆلار و ٥٠ سەنتان بازار پێ دهێتەکرن، هەڤبەری
ب دوهی بهایێ وێ بلند بوویە.
ئەڤڕۆ چارشەمبی، لدیف داتایێن بازارێن ئەنەرژیا جیهانێ،
بهایێ ئێک بەرمیلێ پەترۆلا رۆژئاڤایێ تێکساس ب ٨٣ دۆلار و ٤٧ سەنتان بازار پێ دهێتەکرن،
هەڤبەری ب دوهی بهایێ وێ بلند بوو.
هەڤدەم، پشتی زیدە بوونا گرژی و ئالۆزیان ل رۆژهەلاتا
ناڤەراست و ب تایبەت ل سوریا، بازارێن جیهانێ نە بنەجهی بخۆڤە دیت و بهایێ ئێک بەرمیلا
پەترۆلا برێنت ب ٩٠ دۆلار و ٧٥ سەنتان بازار پێ هاتە کرن. شارەزا ئاماژە ب وێیەکێ
دکەن،"بهایێ پەترۆلێ دێ نێزیک بیت ژ١٠٠ دۆلاران".
ناڤەندا کارگێڕیا ئەنەرژیا ئەمریکا راگەهاند، د مەها
کانوونا دووێ یا ئەڤسالە دا ئاستێ وەبەرئینانا پەترۆلێ بسەدەما نزم بوونا پلەیێن گەرمێ،
ب رێژەیا ٦.٢٪ نزم بوویە و شرۆڤەکارێن پەترۆلێ ژی دبێژن، ئەڤ نزم بوونە دێ بیتە سەدەمێ
بلندبوونا بهایێ پەترۆلێ.