PM:12:05:14/04/2024
440 جار خوێندراوەتەوە
+
-
وەزارەتا بەرەڤانیا
ئەمریکا ڕاگەهاند، وی ولاتی نەڤێت دگەل ئیرانێ بکەڤیتە هەڤڕکی و ئالۆزیان لێ یا رژدە
لسەر پاراستنا هێزێن ولاتێ خۆ و پشتەڤانیکرنا ئیسرائیل.
ئەڤرۆ ئێکشەمبی، پشتی
هێرشێن ئیران بۆ سەر ئیسرائیل وەزارەتا بەرەڤانیا ئەمریکا ڕاگەهاندنە بەلاڤکر و
تێدا هاتیە، ئەو هەلویستێ وان لهەمبەر هێرشێن ئیرانێ بۆ سەر ئیسرائیل هەبوویە لسەر
داخازا جۆ بایدن سەرۆکێ ئەمریکا بوویە.
بەحسا وێ یەکێ ژی کر،
لسەر داخازا جۆ بایدن شەڤا دەربازبووی هێزێن وان ل رۆژهەلاتا ناڤەراست دەهان مووشەک
ژناڤبرینە کو ژ ئیران و یەمەن و عێراق و سوریا ڤە هاتبوونە ئاراستەکرن.
ئەو یەکژی بەرچاڤکر، تا
نها هێزێن ئەمریکا دەستهەلاتەکا تەمام هەیە بۆ پاراستنا خۆ و هەڤپەیمانێن خۆ ل
رۆژهەلاتا ناڤەراست، دبێژیت ژی، "وان هێرشێن بێ سەروبەر ئیدانە و دکەین و
داخاز ژ ئیرانێ ژی دکەین هەمی هێرشان رابگریت".
ئەو یەکژی بەرچاڤکر،
ئەمریکا نەڤێت دگەل ئیرانێ بکەڤیتە هەڤرکی و ئالۆزیان، لێ ئەو بەردەوام دبن ژ
پاراستنا هێزێن خۆ و پشتەڤانیکرنا ئیسرائیل کەن.
شەڤا دەربازبووی، ئارتێشا پاسداران ب دەهان مووشەکان هێرشی
سەر ئیسرائیلێ کر و پشترا ل لوبنان ژی چەند مووشەکێن دی ئاراستەی وی ولاتی هاتنە
کرن و ئارتێشا ئیسرائیل کەفتە حالەتێ ئامادە باشیێ.