AM:10:20:11/02/2024
160 جار خوێندراوەتەوە
+
-
کارگێریا زانیاریێن ئەنەرژیا ئەمریکا ڕاگەهاند، د هەیاما حەفتیا دەربازبووی
دا ئاستێ هاوردەکرنا پەترۆلێ بۆ ئەمریکا زێدەکریە، لێ چ پەترۆل ل عێراقێ نەهاتیە
هاوردەکرن هەڤبەر ب حەفتیا بەری وێ کو رۆژانە ٢٠٥ هزار بەرمیل هاوردە دکرن، ب ڤێ
ژی، دبیتە سێیەم جار ئاستێ هاوردەکرنا پەترۆلا عێراقێ بۆ ئەمریکا بهێتە خار بۆ
سفر.
ئەڤرۆ ئێکشەمبیێ، کارگێریا زانیاریێن ئەنەرژیا ئەمریکا ڕاگەهاندنەک بەلاڤکر
و تێدا هاتیە، ئەمریکا د حەفتیا دەربازبووی دا ب رێژە پەترۆل ژ حەفت وەلاتان
هاوردەکریە و ب رێژە ژی پێنج ملیۆن و ٤٥٩ هزار بەرمیل بووینە و هەڤبەر ب حەفتیا
بەری وێ ئاستێ هاوردەکرنێ ٥١٠ هزار بەرمیلان زێدەکریە.
ئاماژە ب وێ یەکێ ژی کر، د حەفیا دەربازبووی دا چ پەترۆل ل عێراقێ نەهاتیە
هاوردەکرن و ئەڤە ژی ڤەدگەریت بۆ دروستبوونا گرژی و ئالۆزیێن دناڤبەرا ئەمریکا و
گروپێن چەکدار د ئاخا عێراقێ دا.
بەحسا وێ یەکێ ژی کر، ئاستێ هاوردەکرنا پەترۆلا عێڕاقێ ژ ٢٠٥ هزار بەرمیلان
هاتیە خار بۆ سفر و د هەمان دەم دا چ پەترۆل ژ لیبیا و روسیا نەهاتیە هاوردەکرن.
هەڤدەم، لدویف راپۆرتێن کارگێریێن زانیاریێن ئەنەرژیا ئەمریکا، د هەیاما
سالێن دەربازبووی دا ئەڤە سێیەم جارە چ پەترۆل ل عێراقێ نەهێتە هاوردەکرن.