PM:03:06:20/01/2024
196 جار خوێندراوەتەوە
+
-
ئارتێشا پاسدارێن ئیرانێ ڕاگەهاند، د هێرشا ئەڤرۆیا
ئیسرائیل دا بۆ سەر دیمەشق یا پایتەختێ سوریا، چار شێورمەندێن وان یێن سەربازی
ژیانا خۆ ژ دەستدانە. روانگەها سوریا بۆ مافێن مرۆڤی ژی دبێژیت، "د وێ هێرشێ
دا بەرپرسێ هەوالگریا ئارتێشا پاسداران ژیانا خۆ ژ دەستدایە".
ئەڤرۆ شەمبیێ، ئارتێشا پاسدارێن ئیرانێ ڕاگەهاندنەک
بەلاڤکر و تێدا هاتیە، د هێرشا ئەڤرۆ یا سەر دیمەشق دا، چار شێورمەندێن وان یێن سەربازی
ژیانا خۆ ژ دەستدانە.
ئاماژە ب وێ یەکێ ژی هاتیە کرن، هەر ژبەر هێرشا
ئیسرائیل، چەند ئەندامێن ئارتێشا سوریا و کەسێن مەدەنی ژی ژیانا خۆ ژ دەستدانە.
پێشتر ژی، روانگەها سوری بۆ مافێن مرۆڤی بەلاڤکر، د
هێرشا مووشەکیا ئارتێشا ئیسرائیلێ دا بۆ سەر دیمەشق یا پایتەختێ سوریا، بەرپرسێ هەوالگریا
ئارتێشا پاسداران ژیانا خۆ ژ دەستدایە.
ئەویەک ژی هاتبوو بەرچاڤ کرن، ئەو بۆمبەباران لسەر یەکەیەکا
ئاکنجیبوونێ ل تاخێ حەی مەززە ل دیمەشق بوویە و ئەو دەڤەرا هاتیە بۆمبەبارانکرن
جهێ ئاکنجیبوونا بەرپرسێن گروپێ چەکداریێن غەززەیە.