PM:07:59:05/10/2021
1168 جار خوێندراوەتەوە
+
-
ئەڤرۆ سێشەمبێ، روسیا تیمەکا سینەمایی کو ژ دەرهێنەرەکی
و ئەکتەرەکی پێکهاتبوون، لسەر کەشتا ئەسمانیا سویزەر هنارتە ڤالاهیا ئەسمانی، ئەوژی
ب ئارمانجا بەرهەم ئینانا فلمەکی بۆ ڤالاهیا ئەسمانی.
ئاژانسا روسکوسمۆسا روسی بۆ ڤالاهیا ئەسمانی ڕاگەهاند، کەشتی ل بنگەهێ
بایکۆنۆر ل کازاخستانێ هاتیە هنارتن بۆ ڤالاهیا ئەسمانی و پێشبینی دهێتەکرن دەمژمێر
١٢:١٢ خولەک ب گەهیتە ئاژانسا نێڤدەولەتیا ڤالاهیا ئەسمانی.
هەر ئێک ژکلیم شیبینکۆیێ دەرهێنەر کو ژیێ وی ٣٨
سالن و یۆلیا بیریسلید ژنە ئەکتەرا ٣٧سالی بتنێ١٢رۆژ د دەستێ واندانە هەیا کو ڤی
فلمی ل ڤالاهیا ئەسمانی بەرهەم ب ئینن ب ناڤ و نیشانێ "ئالنگاری".
دگەشتێ دا ئەنتۆن شکابلرۆڤی کەشتیڤانێ
ڤالاهییا ئەسمانی دێ دگەل وێ تیمێ بیت وب ڤێ چەندێ ژی تیما روسی ژسێ کەسا پێک دهێت.
هزرا سەرەکیا ڤی فلمی برێتیە، ژ هنارتنا
نوژدارەکی بۆ ڤالاهیا ئەسمانی بمەرەما چارەسەرکرنا ئێک ژ تیمێن کەشتیڤانی کو نەخۆشیا
دلی هەیە.
یۆلیابیرسلید ڕاگەهاند، "ئەڤە کارەکێ
معجیزەیە، شانسێ وێ ناهێتە وێنەکرن، مە گەلەک کار کریە ماندی بووینە، لێ نابیت
رێکێ بدەین مۆرالا مە بهێتەخار، هەردەم دگرنژین".
بەحسا وێیەکێ ژی کریە، کو دیمیتری رۆگۆزین
پشتەڤانێ سەرەکی یێ بەرهەم ئینانا فلمیە.
ئەڤەد دەمەکیدایە، ل سالا ١٩٨٥ فلمەک ژ
ڤالاهییا ئەسمانی هاتیە بەرهەم ئینان کو بەحسا ڤەژاندنا بنگەهەکێ ڤالاهییا ئەسمانی
دکر.