PM:07:17:05/10/2021
1580 جار خوێندراوەتەوە
+
-
بهایێ بەرمیلەکا پەترۆلا خاڤا برێنت
بلندبوونەکا بەرچاڤ بخۆڤە دیت و گەهشتە ٨٣ دۆلار و شەش سەنتان، بڤێ ژی هەڤبەر ب
سپێدێ، بهایێ پەترۆلێ دوو دۆلاران بلندبوویە.
بەرێ سپێدەهیا ئەڤرۆ ژی، بهایێ بەرمیلەکا
پەترۆلا خاڤا برێنت لگۆرەی بازارێ پەترۆلێ جیهانی ب ٨١ دۆلار و ٤٦ سەنتان بازار
پێ دهێتەکرن، بڤێ ژی بەرمیلەکا پەترۆلا
خاڤا ئەمریکی ب ٧٧ دۆلار و ٧٢ سەنتان بازار پێ دهێتەکرن.
ئەڤە ژی د دەمەکێ دایە، بلنترین ئاستێ بهایێ
پەترۆلا خاڤا برێنت ل سالا ٢٠١٨ێ هات تۆمارکرن کو ٧٦ دۆلار و ٤١ سەنت بوو.
ل گۆرەی پێشبینیان ئەڤ سالە هەڤبەر ب سالا
دەربازبووی، خواست لسەر پەترۆلێ دێ زێدەکەت بۆ ٩٦ ملیۆن و ٤٠٠ هزار بەمیلان د
رۆژەکێ دا دێ بلندبیت.
هەڤدەم، ئیحسان عەبدولجەبار وەزیرێ پەترۆلا
عێراقێ د داخۆیانیەکێ دا بۆ ئاژانسا نووچەیێن عێراقێ ئاماژە ب بەردەوامبوونا
هەناردەکرنا زێدەتر یا پەترۆلا عێراقێ کر ب رێژا ٤٠٠ هزار بەرمیلان د مەهەکێ دا و
گوت، "بزاڤەکا نیڤدەولەتی د هەبوونێ دایە بۆ هێلانا بهایێ بەرمیلەکا پەترۆلێ ل
دەوروبەرێن ٧٠ دۆلاران".