PM:01:56:05/10/2021
1328 جار خوێندراوەتەوە
+
-
کۆمسۆنا بلندا سەربەخۆیا هەلبژارتنێن عێراقێ ژ ئەگەرێ
ژکارکەفتن و بڕینا تۆڕێن ئنتەرنێتێ پشتراستیێ ددەت و دبێژیت، ئەگەر رۆژێن دەنگدانا
تایبەت و گشتی ئنتەرنێت ژکار بکەڤیت، نە بتنێ تۆڕێن جڤاکی، چ باندوریەک لسەر پرۆسا
دەنگدانێ نابیت.
ژێدەرەکی ژ کۆمسیۆنا سەربخۆیا
هەلبژارتنێن عێراقێ بۆ رۆپەلێ دیجلەیێ عێراقێ ڕاگەهاند، هندەک کەس د وێ
باوەریێدانە ژ ئەگەرێ بڕینا تۆڕێن ئنتەرنێتێ ل رۆژێن دەنگدانێ دێ باندوری لسەر
دەنگدانێ هەبیت، ڤێیەکێ ژی دلگرانی پەیداکریە و مافێ دەنگدەریە، ب تایبەتی
ددەمەکیدا لسەر ئاستێ جیهانێ پشکەک ژ تۆڕێن جڤاکی ژکارکەفتبوون.
ئاماژە ب وێیەکێ دکەن "ئەم
دەنگدەران پشتراستدکەین ئەگەر تۆڕێن جیهانیێن ئنتەرنێتێ ژی ژ کاربکەڤن، نە بتنێ
تۆڕێن جڤاکی، چ باندوریەک لسەر پرۆسەیا دەنگدانێ دروستناکەن".
ژێدەری زێدەتر زەلالکریە و
دبێژیت، ناڤەندێن ڤەگۆهاستنا هەلبژارتنان پشت ب ڤەگۆهاستنا زانیاریان گرێدەت ب
رێیا تەکنەلوجیایێ پشت ب ئنتەرنێتێ
ناگڕێدەت، هەر ژبەر وێیەکێ پێتڤی ناکەت دەنگدەر دلگران بن.
دەمژمێر ٦:٥٠ خولەکا دوهی
ئێڤاری پشکەک ژ تۆڕێن جڤاکیێن جیهانی ژکارکەفتینە دناڤ واندا فەیسبووک و واتس ئەپ
و ئینستگرام هەنە.
رۆژنامەیا نیویۆرک تایمز
یا ئەمریکی بەلاڤکریە، دوو ئەندامێن تیما ئاسایشا فەیسبووکی کو نەڤیایى ناڤێن خۆ
ئەشکەرا بکەن ڕاگەهاندیە، "ژ کارکەفتنا ئەپلیکەیشنی بۆ هێرشێن ئەلکترۆنی و
هاککرنێ ڤەدگەریێت، هەڤدەم بسەدەمێ تەکنەلوژیایا ئەپلیکەیشنێ ژی، ب ئێکجاری
ئەپلیکەیشن ژکارنەکەفتیە".