PM:11:18:17/10/2023
1480 جار خوێندراوەتەوە
+
-
بەرپرسەکێ حکومەتا فەلەستین راگەهاند، پشتی بۆمبەبارانا
نەخۆشخانەیا المعەمدانیە ل غەززە و ژیان ژ دەستدانا زێدەتری ٥٠٠ کەسان سەرۆکێ فەلەستین
جڤینا خۆیا دگەل سەرۆکێ ئەمریکا پاشخست و بریاردایە بۆ رامەلا ڤەگەرێت.
ئەڤرۆ سێشەمبی، سوپایێ ئیسرائیل نەخۆشخانەیا المعەمدانیە
ل غەززە بۆمبەبارانکر و ب وێ سەدەمێ زێدەتری ٥٠٠ کەسان ژیانا خۆ ژ دەستدان و میدیایێن
عەرەبی ژ زارێ بەرپرسەکێ بلندێ فەلەستین بەلاڤکریە مەحمود عەباس سەرۆکێ فەلەستین جڤینا
خۆ یا دگەل جۆ بایدن سەرۆکی ئەمریکا ل ئوردن پاشخست و ڤەگەریایە فەلەستین.
پەیڤدارێ ساخلەمیا غەززە راگەهاند، ئیسرائیل نەخۆشخانەیا
المعەمدانیە ل کەرتێ غەززە بۆمبەبارانکر و ب وێ سەدەمێ زێدەتری ٥٠٠ کەسان ژیاناخۆ ژ
دەستدان و نێزیکی ٢٠٠ کەس ژی بریندار بوون.
ئەڤرۆ سێشەمبی، پەیڤدارێ ساخلەمیا غەززە د
ڕاگەهاندنەکێدا بەلاڤکر ئیسرائیل نەخۆشخانەیا المعەمدانیە ل کەرتێ غەززە بۆمبەبارانکر
و ب وێ سەدەمێ زێدەتری ٥٠٠ کەسان ژیاناخۆ ژ دەستدان و نێزیکی ٢٠٠ کەس ژی بریندار
بوون و سەدان س ژی ل ژێر داروبەرێن وێ نەخۆشخانێ دا ماینە.
پێشترژی، نڤیسینگەها راگەهاندنا حەماس ل غەززە راگەهاند،
ژمارەیا وان زارۆکێن ژ ئەنجامێ هێرشێن ئیسرائیل بۆ سەر کەرتێ غەززە ژ ٧ێ تشرینا ئێکێ
ڤە هاتینە کوشتن بۆ ٩٤٠ زارۆکان بلندبوویە و ژن ژی بۆ زێدەتری هزار کەسان بلند
بوویە و ب گشتی ل غەززە سێ هزار کەسان ژیاناخۆ ژ دەستدانە و ١٢ هزار و ٥٠٠ کەس بریندار
بوونە .
ل بەرێ سپێدەهیا ٧ـێ تشرینا ئێکێ یا ئەڤسالە گروپێ چەکدارێن
حەماس هزاران موشەک ئاڕاستەی ئەسمانێ ئیسرائیل کرن و سەدان چەکدار چوونە د ناڤ ئیسرائیل
دا و گرژی و ئالۆزیێن چەکداری دناڤبەرا وان دا چێبوون و تانهاژی بەردەوامە.