PM:06:57:25/09/2021
1452 جار خوێندراوەتەوە
+
-
زەلامەکێ موسلمان یێ خەلکێ هندستانێ دخوازیت ژ هەڤژینا خۆ جودا ببیت
بسەدەما وێیەکێ کو رۆژانە سەرێ خۆ ناشوت و ئەڤەژی بوویە سەدەمێ شەڕەدەڤا وان یا
رۆژانە بۆ دەما دوو سالێن پێکئینانا هەڤژینیێ.
رۆپەلا odditycentralد نووچەیەکێ دا بەحس ل وێیەکێ دکەت کو زەلامەکێ هندیێ موسلمان بڕیارا جودابوونێ
دایە ژ هەڤژینا خۆ بسەدەما وێیەکێ کو هەڤژینا وی هەمی رۆژان سەرێ خۆ ناشوت و ڤێ
یەکێ ژی وەکریە کو هەمی جاران گۆتۆبێژێن دژوار و شەڕەدەڤ دروست ببیت هەیا رۆژەکێ
زەلامێ موسلمان د شەڕەدەڤەکا دژوار دا سێجاران تەلاقێ ژنێ د هاڤێژیت و بڤی ئاوای
تەلاق ژێ دکەڤن.
نووچەی بەحسا وێیەکێ ژی کریە، ئەو ژن و مێرە خودان زارۆکەکێ ئێک سالی نە و
پشتی بوویەرا تەلاقدانێ وێ ئەو ژنە چوویە جهەکێ تایبەت ب ژنان ڤە و گوتیە ئەو حەس
ناکەت جودا ببیت و دێ وێ ئاریشێ چارەسەر کەتن.
جهێ ئاماژێ یە، ئەو جهێ تایبەت ب ژنان ڤە نەشێن چ بۆ بکەن ژبەرکو چ
ئاسەوارێن ئەشکەنجەدان و لێدان لسەر لەشێ وێ نەبوون و بتنێ دخوازن ئەو ژن و مێرە
پێکبهێن و بزاڤکرنە دگەل خێزانێن وان باخڤن و گوتینە ئاریشەیەکا گەلەک لاوەکی و
بچیکە و گەلەک مەزن کرنە.