PM:01:37:21/09/2021
1404 جار خوێندراوەتەوە
+
-
پشتی چەند دەمژمێران ژ ڕاگەهاندنا شەهیانا
مارەبڕینا وان، هێزێن ئەولەکاریا جیزە دەیک و بابێن بیکێ و زاڤا دەستەسەرکرن و
ڤەگۆهاستن بۆ ڤەکۆلینێ.
ل گوندێ ئوم خەنان یێ سەر ب باژێرێ حەوامدیە
کو ٣٠ کێلۆمەتران ژ قاهیرە دوورە، زاڤایەک کو ژیێ وی ١٢ سال و ژیێ بیکێ ١١ سال ب
ئامادەبوونا هەژمارەکا زۆر ژ مالباتێن هەردوو ئالیا ئاهەنگا مارەبڕینێ برێڤەچوو.
پشتی ئاهەنگێ وێنەیێ بیک و زاڤایەکێ ل تۆرێن
جڤاکی بەلاڤبووینە، ب سەدەما وێیەکێ ژی زانیاری گەهشتنە دەستێ هێزێن ئەولەکاریێ و
د ئەنجامدا دایک و بابێ بیکێ و زاڤا دەستەسەرکرن و ڤەکۆلین دگەلدا کرن.
ل گۆرەی یاسایا وی وەلاتی کو پەرلەمانی بڕیار
لسەر دایە، هەڤژینی پێکئینانا کچان و کورێن زارۆک رێک پێدای نینە و دایک و بابێن
هەردوو ئالیا دهێنە سزادان، بتاوانا پێشێلکرنا یاسایێن وەلاتی ئەگەر هەنە ب سێ
سالان بهێنە زیندانکرن و ١٥٠ هزار جونەیێن مسری بهێنە سزادان.