سەرنووچە:

وەلاتەکێ ئەورۆپا دێ گەشتێن خۆ دگەل عێراقێ دەستپێکەت

PM:12:07:21/09/2021

784 جار خوێندراوەتەوە

+ -

ئاژانسا نووچەیێن رۆیتەرز بەلاڤکریە، حکومەتا مۆسکۆ بڕیاردایە کو ژ ئەڤرۆ پێدا گەشتێن خۆ دگەل هەر ئێک ژ عێراق، ئیسپانیا، کینیا و سلۆڤاکیا دێ دەستپێکەتن، د داهاتیەکێ نێزیک دا گەشتێن خۆ دگەل هەر ئێک ژ تورکیا و مسرێ ژی دێ گەشتێن ئەسمانی زێدەتر کەتن.


رۆژا ١٣ی ڤێ مەهێ، حکومەتا رۆسیا بڕیاردا کو مۆسکۆ گەشتێن ئەسمانی دگەل هەر ئێک ژ عێراقێ، ئیسپانیا، کینیا و سلۆڤاکیا دێ دەستپێکەتن، د داهاتیەکێ نێزیک ژی دا هەژمارا گەشتێن خۆ دگەل هەر ئێک ژ تورکیا و مسرێ ژی دێ گەشتێن خۆ زێدەتر کەتن.


د مەها ئادارا ٢٠٢٠ێ دا، ل دەستپێکا سەرهلدانا ڤایرۆسێ کۆرۆنایێ و پەیرەوکرنا قەدەغەیا هاتن و چوونێ و کەرەنتینەیێ، حکومەتا مۆسکۆ بڕیاردا ب ڕاگرتنا هەژمارەکا گەشتێن ئەسمانی بۆ چەند وەلاتان، پشترە لیستا وان وەلاتان زێدەتر کر.

 

ل گۆرەی بڕیارا حکومەتا مۆسکۆ، ژ ئەڤرۆ پێدا گەشتێن رۆسیا بۆ عێراقێ دێ دەستپێکەن و د حەفتیەکێ ژی دا دوو گەشت دێ هێنە ئەنجامدان.

 

د مەها ئابا ئەڤ سالە ژی دا، پشتی شەش سالان ژ ڕاگرتنێ ب سەدەما قەدەغەیا گەشتکرنێ بۆ قاهیرە د ئەنجامێ تێکشکانا بالەفڕەکا نەفەر هەلگر، ئێکەم گەشت بۆ قاهیرە ئەنجامدا.

 

د داویا سالا ٢٠١٩ێ دا، ڤایرۆسێ بەربەلاڤێ کۆرۆنایێ ل باژێرێ وهانا چینێ بەلاڤبوو و پشترە پتریا وەلاتێن جیهانێ ڤەگرت و بۆ مەرەما رێگریکرنا زێدەتر ژ بەلاڤبوونا ڤایرۆسی، حکومەتا وەلاتان قەدەغەکرنا هاتن و چوونێ و کەرەنتینێ پەیرەوکر، هەیا نها ب سەدەما ڤیرۆسی، لسەرانسەری جیهانێ چار ملیۆن و ٧١٣ هزار و ٩٧٤ کەسان ژیانا خۆ ژ دەستدا.

گەلەری