PM:10:39:20/09/2021
3392 جار خوێندراوەتەوە
+
-
شارەزایەکێ سەقاناسیێ ڕاگەهاند، بسەدەما
بەفربارینێ ل بەشەک ژ چیایێن کوردستانێ، ئەگەر هەنە رێژەیەکا شێ بهێتە هەرێما
کوردستانێ و ئەگەرێن باران بارینێ هەنە ل دەڤەرێن چیای یێن سنورێن باکورێ سلێمانی
و هەولێر و دهۆکێ.
ل پێگەهێ خۆ یێ فەرمی، سیروان سالح شارەزایێ
بیاڤێ سەقاناسیێ بەلاڤکریە، بسەدەما کاریگەریا هەوایەکێ سارێ جەمسەری ل داویا ڤێ
حەفتیێ و دەستپێکا حەفتیا داهاتی ل بەشەک ژ چیایێن باکورێ کوردستانێ و باکورێ
تورکیا و باکورێ ئیرانێ ئەگەرێن بەفربارینێ هەیە و ئەڤەژی، ئەگەرێن کارتێکرنێ لسەر
هەرێما کوردستانێ هەیە.
ئەو شارەزایێ بیاڤێ سەقاناسیێ ئاماژە ب
وێیەکێ ژی کر، بسەدەما کارتێکرنا وی هەوایێ سارێ جەمسەری ئەگەرێن بارینا بارانەکا
زۆر هەیە ل وێ دەڤەرێ، هەڤدەم، بسەدەما وی هەوایێ جەمسەری یێ بسەر دەریایێ ڕەشدا
دەربازدبیت، رۆژهەلاتا دەریایێ ناڤەڕاست ژی دێ ڤەگریت.
ئەو ژی بەرچاڤکریە، ئەگەر هەنە رێژەیەکا شێ
بینیتە هەرێما کوردستانێ و ئەگەرێن باران بارینێ ل دەڤەرێن چیای یێن سنورێ باکورێ
سلێمانیێ و هەولێر و دهۆکێ هەیە. هەڤدەم، پلەیێن گەرماتیێ دێ ب رێژەیەکا بەرچاڤ
داکەڤن و نەدوورە ل لوتکەیێن چیایێ حەسارۆست و هەلگۆرد رێژەیەکا کێما بەفرێ
بباریت.
سیروان سالح دبێژیت ژی، ل دەڤەرێن گەرمیان پلەیێن گەرماتیێ دێ ب تەمامی داکەڤن
و دێ ل ناڤەڕاستا پلەیێن سهی دا جێگربن و ب شەڤێ ژی دێ هەست ب سەرمایێ هێتەکرن.
ئەڤەژی د دەمەکێ دایە، ئەڤرۆ داوی رۆژا وەرزێ
هاڤینێ بوو و سوبەهی ئێکەم رۆژا وەرزێ پایزێ یە، جودا ژ سالا دەربازبووی ژی، هاڤینا ئەڤ سالە بلنترین
پلەیێن گەرمێ هاتنە تومارکرن و ل هەرێما کوردستانێ ژی پلەیێن گەرمێ گەهشتنە ٥٣ێ
پلەیێن سیلیزی.