سەرنووچە:

دەزگەهێ ئاسایشا نشتیمانیا عێراقێ: پلانێن باش هاتنە دانان بۆ پاراستنا ناڤەندێن دەنگدانێ

PM:09:15:20/09/2021

568 جار خوێندراوەتەوە

+ -

سەرۆکێ دەزگەهێ ئاسایشا نشتیمانیا عێراقێ ڕاگەهاند، "پلانێن ئەولەکاریێ یێن باش هاتنە دانان ب ئارمانجا پاراستنا بنگەهـ و ناڤەندێن دەنگدانێ بۆ هەلبژارتنێن ١٠ی تشرینا ئێکێ یێن داهاتی".


عەبدولغەنی ئەسەدی سەرۆکێ دەزگەهێ ئاسایشا نشتیمانیا عێراقێ د کۆنفرانسەکێ رۆژنامەڤانی دا ڕاگەهاند، "پلانێن ئەولەکاریێ یێن باش ب ئارمانجا پاراستنا بنگەهـ و ناڤەندێن دەنگدانێ بۆ هەلبژارتنێن ١٠ی تشرینا ئێکێ یێن داهاتی داناینە"، سەرۆکێ دەزگەهێ ئاسایشا نشتیمانیا عێراقێ بەحسا وێیەکێ ژی کر، ئەرکێ سەرملێ هێزێن ئەولەکاریێ دناڤبەرا هێزێن ئەولەکاریا نشتیمانی دا، ئاسایش بۆ وەلاتیان ل هەمی پارێزگەهێن عێراقێ دابین بکەن.


بڕیارە ل رۆژا ١٠ی تشرینا ئێکێ یا ئەڤ سالە، هەلبژارتنێن بەروەختێن عێراقێ بهێنە ئەنجامدان و تێدا تیمێن چاڤدێریا نیڤدەولەتی و نەتەوەیێن هەڤگرتی ب هویری چاڤدێریا پرۆسەیێ بکەن و هەرسێ سەرۆکایەتیێن عێراقێ ژی، تەکەزێ ل وێیەکێ دکەن هەلبژارتن د دەمێ خۆ دا بهێنە ئەنجامدان.

گەلەری