سەرنووچە:

ل دەما دەنگدانێ ب حکومەتا وەلاتەکێ؛ کارەب چوو

PM:08:10:20/09/2021

936 جار خوێندراوەتەوە

+ -

رۆپەلا دەنگێ ئەمریکا بەلاڤکریە، پشتی وێیەکێ کو نێزیکی ئێک دەمژمێرێ بسەدەما بڕینا کارەبێ جڤینا پەرلەمانی هاتە پاشداخستن، پەرلەمانێ لوبنانێ جڤینا خۆ بۆ دەنگدانێ لسەر کابینەیا نوی یا حکومەتا وەلاتێ خۆ دەستپێکر.


وەسا بڕیاربوو ل دەمژمێر ١١ی سەرێ سپێدەهیا ئەڤرۆ جڤین دەستپێبکەت، لێ کارەبا ئاڤاهیێ پەرلەمانی هاتە بڕین و ل دەستپێکا جڤینێ ژی نەجیب میکاتی سەرۆکێ وەزیرێن لوبنانێ کارنامەیا نویا حکومەتێ خاند.


بۆ دەما چەما چەند سالانە، لوبنان روبرویێ هەژمارەکا قەیرانێن جودا بوویە، ژ وان ژی کێمیا سوتەمەنیێ کو بوویە سەدەمێ بڕینا کارەبا وی وەلاتی و زۆربەیا وەلاتیێن لوبنانێ پشتا خۆ ب موالیدەیێن کەرتێ تایبەت گرێددەن، هەڤدەم، حکومەتا نوی سوزدایە رووبروویێ قەیرانێن وەلاتی ببیت ب تایبەتی ژ روویێ دارایی ڤە، لێ هێشتا وەلاتێ وان ب سەدەما خرابیا وێ ڕەوشێ دنالینن.

 

ژ سالا ٢٠١٩ێ وەرە، ئابووریا لوبنانێ بەرەڤ هەرفینێ دچیت و سەدەمان ژی بۆ خرابیا سەرەدەریکرنا چەند سالان یا حکومەتێ ژ روویێ ئابووریێ ڤەیە، وەلاتی ژی بەردەوام بوون لسەر ئەنجامدانا خۆنیشاندانان و داخازا باشترکرنا ڕەوشا ئابووری و ژیار و خزمەتگۆزاریان دکرن.


ل هەرێما کوردستانێ ژی، زێدەباری دەربازبوونا ٣٠ سالان بسەر حکومڕانیا کوردی دا، لێ هێشتا چەندین ئاریشەیێن سەرەکی یێن وەلاتیان ب تایبەتی ژی خۆزمەتگۆزاری یێن دەستپێکی وەکی، کارەب، ئاڤ، رێک وبان و خزمەتگۆزاریێن دی، ل گۆرەی پێتڤیا وەلاتیان ناهێنە دابینکرن و ب وێ سەدەمێ ژی، سالانە وەلاتیێن دەڤەرێن جودا یێن هەرێمێ خۆنیشاندان و خڕڤەبوونان ئەنجامددەن.

گەلەری