PM:11:57:19/09/2021
1756 جار خوێندراوەتەوە
+
-
ئێک ژ دەستەسەرکریێن بەهدینان
زانیاریێن نوی یێن رەوشا خۆ و هەڤالێن خۆ د زیندانێ دا بۆ ئێن ئاڕ تی ئەشکەرادکەت
و رەتدکەت ئەو بۆ چارەسەریێ بربنە ژدەرڤەی زیندانێ.
ئەیاز کەرەم ئێکە ژ سزادایێن
بەهدینان ددەمێ پەیوەندیەکا تەلەفۆنی دا دگەل ئێن ئاڕ تی ڕاگەهاند، "ل رۆژا
شەشی ڤێ مەهێ گرەڤ ژ خارنێ گرتیە هەیا وی دەمێ دادگەها سەربخۆ بیت یان بڕیارا لێ
خۆشبوونێ بۆمە دەرنەچیت".
گوتژی، "تەڤایا سزادایێن
بەهدینان گرەڤ ژ خارنێ نەگرتیە بەلکو پشکەکێ گرەڤگرتیە".
ئەیاز کەرەمی زەلالکر ئەو نە
برینە ژدەرڤەی زیندانێ بۆ نەخۆشخانێ و بتنێ نوژدارەک ئینایە زیندانێ و پشکنین بۆ
کرینە.
ئەیاز کەرەم د پشکەکا دیا
پەیوەندیا تەلەفۆنیدا گوتنێن وەزیرێ کار و کاروبارێن کۆمەلایەتی یێ حکومەتا هەرێما
کوردستانێ رەتدکەت کو ئاماژە ب باشیا رەوشا سزادایێن بەهدینان دناڤ زیندانێ دا
کربوو.
دەستەسەرکری، پشتی دادگەها
پێداچوونا هەولێرێ بڕیارا شەش سالێن زیندانکرنێ بۆ پێنج ژ وان دەستەسەرکریان
دەرئێخست، زێدەباری رەخنەیان ژی ژ بڕیارێ، لێ داوی جار دادگەها پێداچوونێ بڕیار
پەسەندکر.
هێرش قادر، هەولێر