سەرنووچە:

سەعدی پیرە لێکتێگەهشتنا ئێکەتیێ و یەکگرتوو و کۆمەلێ بۆ هەلبژارتنان ئەشکەرا دکەت

PM:07:47:19/09/2021

624 جار خوێندراوەتەوە

+ -

 

سەعدی ئەحمەد پیرە، ئەندامێ مەکتەبا سیاسیا ئێکەتی نشتیمانی کوردستان ڕاگەهاند، "ل پشکەک ژ بازنەیان دگەل یەکگرتوو ئیسلامی کوردستان و کۆمەلا دادگەری کوردستان بۆ هەلبژارتنان مە لێکتێگەهشتنەک هەیە".

سەعدی ئەحمەد پیرە، ئەندامێ مەکتەبا سیاسیا ئێکەتیێ ددەمێ پشکداریا ویدا د بەرنامەیێ تاتویا ئێن ئاڕ تی دا ئاماژە ب وێیەکێ کر، "دگەل ئالیێن یەکگرتوو و کۆمەل لێکتێگەهشتن هاتیە کرن و ئازادی دایە دەنگدەرێن ئێکەتیێ و یەکگرتوو و کۆمەلێ کو ل وان جهێن کو بەربژێر نینە دەنگی بدەنە ئێکودوو".

ئەندامێ مەکتەبا سیاسیا ئێکەتیێ زەلالکر، "بەربژێرێ یەکگرتوویێ و کۆمەلێ هەیە بۆ وان نەخۆشە خەلک بزانیت دگەل ئێکەتیێ لێکتێگەهشتن هەیە".

گوتژی، "ل هندەک ژ بازنەیان پشکەک ژ بەربژێرێ ژی بۆ وان خۆشە کو خەلک بزانیت دگەل ئێکەتیێ لێکتێگەهشتن هەیە و ژ بەرژەوەندیێن خۆ دزانن".

بڕیارە ل مەها تشرینا ئێکێ یا ئەڤسالە هەلبژارتنێن عێراقێ بڕێڤە بچن و پەرلەمانێ عێراقێ ژی ئەشکەراکریە، کو سێ رۆژان بەریا هەلبژارتنان دێ خۆ هەلوەشینیت.


 

گەلەری