سەرنووچە:

هژمارەکا دۆسیێن گەندەلیێ ل هەرێما کوردستانێ هاتنە ئەشکەراکرن

PM:06:38:19/09/2021

720 جار خوێندراوەتەوە

+ -

سەرۆکێ دەستەیا دەستپاکیا هەرێما کوردستانێ هژمارەیەکا دۆسیێن گەندەلیێن هەرێمێ ئەشکەراکرن و ڕاگەهاند، "د نهادا، ٦٠٠ بۆ ٧٠٠ دۆسیە دبن ڤەکۆلینێ دانە و ١٠٠ دۆسیێن دی ژی د رێیا دادگەهکرنێدانە".

ئەحمەد ئەنوەر سەرۆکێ دەستەیا دەستپاکیا هەرێما کوردستانێ د لێدوانەکێ دا بۆ ئاژانسا نووچەییا فەرمی یا عێراقێ ئاماژە ب وێیەکێ کریە، دەستەیا وانا راپۆرتا سالانەیا خۆ هەیە و ل مەها شەش یا ئەڤسالە دا، راپۆرتێن خۆ د وی دەربارەی دا پێشکێش کرینە، بەحسا وێیەکێ کریە، هێشتا گەندەلی مەترسیەکا مەزنە ل عێراقێ و هەرێما کوردستانێ.

ئەوژی دیارکر، "د تەڤایا بواراندا، مە هەماهەنگیەکا باش هەیە دگەل دەستەیا دەستپاکیا فیدڕالی".

سەرۆکێ دەستەیا دەستپاکیا هەرێما کوردستانێ ڕاگەهاند، هەرێم پشکەکەکە ژ عێراقا فیدڕال و ڤەگەڕاندنا سامانێ تالانکری دێ ب رێیا دەستەیا دەستپاکیێ و وەزارەتا دەرڤەیا حکومەتا فیدڕالی بیت، هەروەسا داخازیێن وان دەربارەی ڤەگەڕیاندنا سامانێ تالانکری ب رێیا کەنالێن فەرمی دهێنە پێشکێشکرن.

ئەحمەد ئەنوەر زەلالکر ژی هژمارەکا بەرپرسێن کارگێری د گەندەلیێ کەفتینە و تەکەز کریە لسەر وێیەکێ کو دەستەیا وان چاڤدێریا کەرتێ گشتی دکەت ژ سەرۆکێ پشکێ هەیا ڕێڤەبەرێ گشتی.

سەرۆکێ دەستەیا دەستپاکیا هەرێما کوردستانێ دبێژین ژی، کەسێن تۆهمەتبار ب گەندەلیێ هەنە.

گەلەری