سەرنووچە:

خاندنا بلند ئاریشەیا مەزن یا سیستەمێ وەرگرتنا خوێندکاران ئەشکەراکر

PM:06:06:19/09/2021

628 جار خوێندراوەتەوە

+ -

وەزیرێ خاندنا بلند یێ حکومەتا هەرێما کوردستانێ ڕاگەهاند، "ئاریشەیا مەزن یا سیستەمێ وەرگرتنا خوێندکاران دا هەیە ل زانکۆیان" ب پێتڤی زانی گۆهڕین د سیستەمیدا بهێتە کرن.

ئەڤرۆ ئێکشەمبی، د کڤانێ پشکداریکرنێ د کۆنڕانسەکێ پەروەردەیی یێ زانکۆیا ئەمریکی ل دهۆکێ، ئارام محەمەد قادر وەزیرێ خاندنا بلند و ڤەکۆلینێن هەرێمێ ڕاگەهاند، "پێتڤیە ب هەڤکاری دگەل وەزارەتا پەروەردێ، ئەزمونەکا نشتیمانی هەبیت، هەیا بزاینین بۆ سالا نویا خاندنێ چ جورە کوالێتی و کادرێن خۆ ل ناڤەندێن خاندنێ دڤێن".

ئەوژی دیارکر، ئاریشەیا مەزن یا سیستەمێ وەرگرتنا خوێندکاران ل زانکۆیان، کو ب تنێ پیڤەرێن کۆنمرەیێن خوێندکارانە ل پۆلا ١٢ێ.

دبێژیت ژی، لژنەیەک هەیە ب سەرپەرشتیا بریکارێ وەزیری، بۆ دارشتن و پێداچوونا یاسایێ ل خاندنا بلند، ب رەنگەکی کو لسەر بنەمایێ گۆهڕانکاریێن سیاسی و ئابوری و پێشکەفتنێن دەڤەرێ و جیهانێ بیت.

ئارام محەمەد قادر ئاماژە ب وێیەکێ ژی کر، مەرەما مە ژ یاسایا نویا خاندنێ دا دەستبەری سەربەخۆیی و ئەکادمی و زانستی بۆ کارگێری و دارایا زانکۆیێن هەرێما کوردستانێ بکەت، ژبەرکو زانکۆ ب بێ سەربەخۆیا ئیداری و ئەکادمی نکاریت لسەر پێن خۆ ب راوەستیت و نکاریت ببیتە ناڤەندەکا ئەکادمیا راستەقینە.

بەحسا وێیەکێ ژی کر، هەتا سیستەمێ وەرگرتنا خوێندکاران د زانکۆیاندا نەهێتە گۆهڕین نکارن ب چ گۆهڕانکارییان دلخۆشبن، ژبەرکو شیان و بەگرەوەندێ زانستیێ خوێندکاری ب گرنگی ناهێتە وەرگرتن.

دەربارەی کەرتێ تایبەت ئەشکەراکر، "نابیت مە ترس ژ بەرفرەهـ بوونا خاندنا پیشەیی و تایبەت هەبیت ل هەرێما کوردستانێ، ئەو سەرمایەدارێن نشتیمانی کو ناڤەندێن خاندنێ هەین بتنێ چاڤێ وان ل مفای نینە پێتڤیە پشتگێریا وان بهێتە کرن، بۆ وێیەکێ خاندنا پیشەیی ل ناڤەندێن خاندنێ بهێتە زێدەکرن".

گوتژی زانکۆیێن حکومی بارگرانی بۆ حکومەتێ دروستکریە، د جیهانا مودرێن دا د سەربەخۆنە.

گەلەری