سەرنووچە:

رێکخراوەکا ئەمریکی: گرەڤگرتنا زیندانیێن بەهدینان د قوناغەکا مەترسیداردایە

AM:10:41:19/09/2021

508 جار خوێندراوەتەوە

+ -

رێکخراوەکا ئەمریکی بۆ بەرەڤانیکرن ژ ماف و ئازادیان ڕاگەهاند، گرەڤگرتنا زیندانیێن بەهدینان د قوناغەکا مەترسیداردایە و داخازا د هەوارچوونا وان دکەت.


رێکخراوا سی پی تی یا ئەمریکی بۆ بەرەڤانیکرن ژ ماف و ئازادیان د ڕاگەهاندنەکێ دا ئاشکراکر، بۆ دەما ١٣ رۆژانە ل ژێر دروشمێ (یان مرن، یان ماف و ئازادی) ٨٢ چالاکڤان و رۆژنامەڤانێن بەهدینان ژ خارن و ڤەخارنان گرەڤگرتنە و ڕەوشا ئێک ژ وان ب ناڤێ (ئەیاز کەرەم) تێکچوویە و بێ هۆش بوویە.

 

هەر ل گۆرەی گوتنا وێ رێکخراوێ، تیمێن ساخلەمیێ د هەوارا وی کەسی نەچووینە و گەلەک نەمایە بیناهیا چاڤێن خۆ ژ دەست بدەت.

هەڤدەم، داخاز ژی کریە، هەمی تۆهمەتێن چالاکڤان و رۆژنامەڤانان بهێتە هەلوەشاندن و دوسەیا وان ژی ل دادگەهەکا بێلایەن بهێتە ئێک ئالی کرن.


ئەڤە د دەمەکێ دایە، ٨٢ رۆژنامەڤان و چالاکڤانێن بەهدینان کو زێدەتری ٧٧ کەس ژ وان زێدەتری سالەکێ یە بێ دادگەهکرن د زیندانا ئاسایشا گشتی یا هەولێرێ دا زیندانکری نە، داخازا مافێن خۆ یێن دەستپێکی و ئازادبوونێ دکەن و هەر بڤێ سەدەمێ ژی گرەڤ ژ خارن و ڤەخارنێ گرتنە.

گەلەری