سەرنووچە:

سندوقا دراڤێن نیڤدەولەتی: بسەدەما بلندبوونا بهایێ پەترۆلێ قەرزێن لسەر عێراقێ دێ کێم بن

PM:10:22:18/09/2021

1148 جار خوێندراوەتەوە

+ -

سندوقا دراڤێن نیڤدەولەتی ڕاگەهاند، بسەدەما بلندبوونا بهایێ پەترۆلێ، پێشبینی دهێتەکرن قەرزێن لسەر عێراقێ هەڤبەر ب سالێن دەربازبووی دێ کێمتربیت.


سندوقا دراڤێن نیڤدەولەتی د ڕاگەهاندنەکێ دا ئاماژە ب وێیەکێ کر، سالا دەربازبووی قەرزێن گشتی یێن لسەر عێراقێ لهەمبەر بەرهەمئینانا ناڤخۆی زێدتری ٨٠%ێ بوویە، لێ پێشبینی دهێتەکرن بسەدەما بلندبوونا بهایێ پەترۆلێ، ئەڤ سالە ئەو رێژەیە نێزیکی ٦٩%ێ داکەتیە.


سندوقا دراڤێن نیڤدەولەتی بەحسا وێیەکێ ژی کر، عێراق دشێت بەشەک ژ قەرزێن گشتی بدەت.

 

ئەڤە ژی د دەمەکێ دایە، هەرێما کوردستانێ زێدەتر ژ ٤٦٠ هزار بەرمیلێن پەترۆلێ دفرۆشیت، لێ دەما هەشت مەهانە قەرزێن لسەر هەرێمێ سێ ملیار دۆلاران زێدەکریە، ب ئاوایەکێ ل مەها ١٠یا سالا دەربازبووی سەرۆکێ حکومەتا هەرێمێ ڕاگەهاند، قەرزێن لسەر هەرێمێ ٢٨ ملیار زێدەترن.

 

د مەها ٦ یا ئەڤ سالە ژی دا، سکرتێرێ جڤاتا وەزیرێن هەرێمێ ل پەرلەمانێ کوردستانێ ڕاگەهاند، قەرزێن لسەر حکومەتا هەرێمێ گەهشتنە زێدەتری ٣١ ملیار دۆلاران.

گەلەری