PM:02:53:17/09/2021
1848 جار خوێندراوەتەوە
+
-
فەرماندەیەکێ هێزێن چەکدارێن عێراقێ
ڕاگەهاندنەک بەلاڤکر و تێدا هاتیە، عێراق و ئەمریکا لهەڤهاتن لسەر کێمکرنا هێزێن
چەکدارێن واشنتن د داویا ئەڤێ مەهێ دا ل بنگەهێ عەین ئەسەد و هەولێرێ.
ئەڤرۆ ئەینی، جڤینەکا تەکنیکی دناڤبەرا هێزێن
چەکدارێن عێراق و ئەمریکا دا ل بەغدایا پایتەخت برێڤەچوو و ڕاگەهاندنەک د وێ دەربارێ دا بەلاڤکرن.
ئاماژە ب وێیەکێ ژی کر، هەردوو ئالی لهەڤهاتن
لسەر وێیەکێ کو شەڕکەرێن ئەمریکا ل هەردوو بارگەهێن سەربازی یێن عەین ئەسەد و هەولێرێ کێمبکەن.
د دەمێ دەربازبووی ژی دا، چەند جارەکان هێرشی
سەر بالەفڕخانەیا بەغدا و هەولێرێ و بنگەهێ ئەمریکا ل عێراقێ، کو واشنتن د
ئەنجامانێ ئەوان هێرشاندا گرۆپێن نێزیکی ئیرانێ تۆهمەتبار دکەت، لێ ئەو گرۆپە ژی داخازا ڤەکێشانا هێزێن ئەمریکا ل
عێراقێ دکەن.
ل ٢٥ی تەمموزا ئەڤ سالەدا، شاندەکێ بلندێ
حکومەتا عێراقێ ب سەرۆکایەتیا مستەفا کازمی سەرەدانا ئەمریکا کر، دگەل جۆ بایدن
سەرۆکێ ئەمریکا جڤیا و چەند بڕیارێن هەڤبەش دەرخستن و ئەمریکا پشتەڤانیا خۆ بۆ
عێراقێ دیارکر.