سەرنووچە:

ئاریشە بۆ گەشتێن عێراق و ئیرانێ دروستبوو

PM:08:30:16/09/2021

1968 جار خوێندراوەتەوە

+ -

دەستەیا بالەفڕڤانیا شارستانیا ئیرانێ بڕیاردا هەموو گەشتێن هێلا ئەسمانیا عێراقێ ژ وەلاتێ خۆ بۆ ئیرانێ و بەروڤاژی وێ ژی ڕاوەستینیت ب سەدەما پابەندنەبوون ب رێکارێن ڤیزێ ب مەرەما رێکدان ب سەرەدانکەرێن ئیرانی.


حەسەن خۆشخو رێڤەبەرێ سەرپەرشتیکارێ بالەفڕخانە و هێلێن ئەسمانی ل دەستەیا بالەفڕڤانیا شارستانی د ڕاگەهاندنەکێ دا ئاماژە ب وێیەکێ کر، دەستەیا وان بڕیارا ڕاوەستاندنا گەشتان دگەل هێلا ئەسمانیا عێراقێ دایە.

 

ل گۆرەی ڕاگەهاندنێ، ئەڤ بڕیارە سەدەمێ وێیەکێ بوویە، هێلا ئەسمانیا عێراقێ چەندین جاران هایدارکرن دەرخستنە کو هەر گەشتیارەکێ ئیرانی ڤیزە نەبیت وی دەمی پلێتا گەشتکرنێ بێ نەهێتە فرۆتن هەیا بشێن بچنە ناو ئاخا وەلاتێ وان.

 

ئەو ژی هاتیە، ب وێ سەدەمێ دەستەیا بالەفڕڤانیا شاررستانی بڕیارا ڕاوەستاندنا هەمی گەشتێن کۆمپانیایا هێلێن ئەسمانیا عێراقێ ل ئیرانێ بۆ وەلاتێ خۆ و بەروڤاژی وێژی ڕابگەهینیت، دبێژیت ژی، ئەڤ بڕیارە ژ سوبەهی دێ چیتە دبیاڤێ جێبەجێکرنێ دا.


ئاماژە ب وێیەکێ ژی کر، داخاز ژ هێلا ئەسمانیا عێراقێ کریە، هەمی ئەو پارەیێ بۆ گەشتیارێن ئیرانێ ڤەگەریت کو مەرەم ژیگەشتکرنا داینە کۆمپانیایێ و د نها دا گەشت هاتنە ڕاوەستاندن.


ئەڤە د دەمەکێ دایە، دەستهەلاتدارێن عێراقێ د داوی بڕیاردا گەشتیارێن ئیرانێ پابەندکربوو ب بدەستڤەئینانا ڤیزێ بۆ چوونا ناڤ ئاخا وەلاتێ وان ب ئارمانجا بەژداریکرن د رێڤەچوونا مەراسیمێن سالڤەگرا چلەیا کوشتنا حسێنێ کورێ عەلی، سێیەم ڕابەرێ شیعەیێن جیهانێ، لێ دەستهەلاتدارێن عێراقێ پێدانا هەمی ڤیزێن گەشتیاران هەلوەشاند.


رۆژا ئێکشەمبێ و ل دەما سەرەدانا مستەفا کازمی سەرۆکوەزیرێن عێراقێ بۆ ئیرانێ و داوی جڤین دگەل ئیبراهیم رەئیسی سەرۆککومارێ ئیرانێ ڕاکرنا ڤیزا دناڤبەرا هەردوو وەلاتان دا ڕاگەهاند، لێ پشترە بالیۆزێ ئیرانێ ل بەغدا گوت، کو هەلگرتنا ڤیزێ بۆ گەشتیاران بۆ گەشتێن ئەسمانی دناڤبەرا هەردوو وەلاتاندا.

گەلەری