PM:07:18:15/09/2021
1404 جار خوێندراوەتەوە
+
-
پەیڤدارێ حکومەتا هەرێمێ
ڕاگەهاند، حکومەتێ چ باج نە دانایە سەر ئاری، ئەڤە زێدەباری چەندین جاران بازرگانان
بەحسا وێیەکێ کریە کو حکومەتێ باج لسەر ئاری دانایە و هەر ب وی سەدەمی بهایێ نانی بلندبوویە.
جوتیار عادل پەیڤدارێ حکومەتا هەرێمێ
د کۆنفڕاسەکێ رۆژنامەڤانی دا ئاماژە ب وێیەکێ کریە، بازرگان د ئازادن کا چ دبێژن
لسەر گرانیا بهایێ ئاری کو بەحس ل دانانا باجێ دکەن ژ ئالیێ حکومەتێ ڤە، لێ ئەو
ئاخفتنە "دوویرن ژ راستیێ و حکومەتێ چ باج لسەر ئاری نەدانایە".
پەیڤدارێ حکومەتا هەرێمێ گوت ژی،
د نهادا بهایێ ئاری و گەنمی ل تەڤایا جیهانێ گرانبوویە نە حکومەتا هەرێمێ باج لسەر
دانایە.
ئەڤە ددەمەکیدایە، هژمارەک ژ
بازرگانێن هەرێمێ بەحس ل وێیەکێ دکەن کو حکومەتا هەرێمێ باج لسەر ئاری دانایە و ب
وی سەدەمی ژی بهایێ ئاری گرانبوویە.
ل رۆژا ١ی مەهێ ژی، جوتیار عادل
پەیڤدارێ حکومەتا هەرێمێ ڕاگەهاند، وەزارەتا سامانێن سرۆشتی و بازرگانی بهایێ غازێ
دێ کێمکەت بۆ نانپێژیان و وەزارەتا کارەبێ ژی ٢٠% بهایێ کارەبێ دێ کێمکەت، لێ هەیانها
نە هاتیە جێبەجێکرن.