PM:03:02:15/09/2021
1272 جار خوێندراوەتەوە
+
-
کۆمسیۆنا بلندا سەربەخۆیا هەلبژارتنان ل
عێراقێ ڕگەهاند، بمەرەما پاراستنا ئیرادا دەنگدەران و ب نهێنی هێلانا پرۆسەیا
دەنگدانێ، ئینانا مۆبایلێ بۆ ناڤ وێستگەها دەنگدانێ قەدەغەیە.
ئەڤرۆ چارشەمبێ، کۆمسیۆنا بلندا سەربەخۆیا
هەلبژارتنان ل عێراقێ ڕاگەهاندنەک بەلاڤکر و تێدا هاتیە، ئینانا مۆبایلێ بۆ ناڤ
وێستگەها دەنگدانێ ب هەمی ڕەنگا قەدەغەیە. ئاماژە ب وێیەکێ ژی کر، ئارمانج ژ ڤێ
پێنگاڤێ ژی پاراستنا ئیرادا دەنگدەرانە و ب نهێنی هێلانا پرۆسەیا دەنگدانێ یە.
ئارمانجا برێڤەچوونا هەلبژارتنەکێ یە کو
کێمترین سەختەکاری تێدابیت و پشتراستیێ بدەتە دەنگدەران ب ئازادیەکا تەمام ڤە و ب
ئیرادا خۆ دەنگی بدەت و نوینەرێ خۆ بۆ پەرلەمانێ عێراقێ ب هەلبژێریت، کۆمسیۆنێ
بزاڤێن خۆ د وێ ئاڕاستەیێ دا بهێزکرنە. قەدەغەکرن و ئینانا مۆبایلێ ژی ب هەمان
ئارمانجە.
ئەەڤە د دەمەکێ دایە، بڕیارە ب چاڤدێریا
چەندین نوینەرێن نیڤدەولەتی یێن ئەورۆپی و نەتەوەیێن هەڤگرتی و کۆمارا عەرەبی و
چەند رێکخراوێن نیڤدەولەتی و سازیێن جڤاکا سڤیل ل ١٠ی تشرینا ئێکێ یا ئەڤ سالە
هەلبژارتنێن بەروەختێن پەرلەمانێ عێراقێ برێڤە بچن.