AM:09:11:15/09/2021
1548 جار خوێندراوەتەوە
+
-
وەزارەتا بازرگانیا عێراقێ ڕاگەهاند، بۆ هەر
کەسەکێ کێلۆیەکا شەکری ژ بەشەخۆراکا وەلاتیان کێمکریە و ل جهێ شەکری، نیڤ کێلۆیا
نیسک و نیڤ کێلۆیا نۆکان دێ پارڤەکەت.
محەمەد حەنون رێڤەبەرێ چاڤدێریا بازرگانی ل
وەزارەتا بازرگانیا عێراقێ ڕاگەهاند، کێلۆیەکا شەکری ژ بەشەخۆراکا مەهانە دێ هێتە
کێمکرن و چەند ماددەیێن دی دێ ل جهێ وێ هێنە پارڤەکرن.
ئاماژە ب وێیەکێ ژی کر، ل جهێ کێلۆیەکا
شەکرێ، نیڤ کێلۆیا نیسکا و نیڤ کێلۆیا نۆکان دێ هێتە پارڤەکرن و دوشاڤا تەمامێ ژی
دگەلدایە. محەمەد حەنون بەحسا وێیەکێ ژیکر، رێژا ئارد و برنج و زەیت وەکی خۆ مایە
و گوهۆرین بسەردا ناهێت.
بەحسا وێیەکێ ژی کر، بەشەک ژ وەلاتیێن بەشەخۆراکا مەهانە وەرناگرن و ئەڤ یەک
ژی ئاریشەیان بۆ وان دروستدکەت، ب ئاوایەکێ چەند بڕیکار مەهانە خۆراکەکێ زۆر ل دەڤ
وان دمینیت و پێتڤییە جارەکا دی ڤەگەریننە ڤە.
ل سالا ١٩٩٥ێ جڤاتا ئاسایشا نیڤدەولەتی ب
بڕیارا ژمارە ٩٨٦ د کەڤانێ بەرنامەیا خۆراک بەرامبەر پەترۆل رێکدا حکومەتا عێراقێ
رێژەیەکێ ژ وێ پەترۆلا هەیە بفرۆشیت هەیا بشێت ب داهاتێ وێ بەشێ خۆراکا وەلاتیان بکریت، هەیا نها ژی بەشێ
خۆراکا وەلاتیان بەردەوامە و ژمارەیەکا زێدە ژێ مفادارن.