PM:10:27:14/09/2021
1904 جار خوێندراوەتەوە
+
-
وەزیری پلاندانانا هەرێمێ ڕاگەهاند، "گەلەک
بزەحمەتە دڤێ ڕەوشێ دا شێن کەسێ دابمەزرینن"، دبێژیت ژی، "ئەگەر هەیا
٢٠٤٠ێ لسەر ڤێ مێکانزما نها بچین دێ ڕەوشا مە گەلەک خراب بیت".
د دەما چاڤپێکەفتنەکێ دا دگەل ئاژانسا
نووچەییا ئەنادۆڵ، دارا ڕەشید وەزیرێ پلاندانانا هەرێمێ بەحسا وێیەکێ کریە،
"زەلال و ڕاستگوبم دگەل هەوە گەلەک زەحمەتە دڤێ ڕەوشێ دا کەسێ دابمەزرینن،
ژبەرکو مە ب زۆری شیایە مووچەیێ وان مووچەخوارن پەیدابکەین ئەوێن کو مە
هەین".
ئاماژە ب وێیەکێ ژی کر، ئەگەر هەیا ٢٠٢٢ێ
رەوشا دارایی باشبوو ب پشتراستی ڤە دێ سێ یەکەمان دامەزرینن، ئەوێن باوەرنامەیا
ماستەر و دکتورایێ هەی، نوژدار و مامۆستایێن گرێبەست و وانەبێژان دێ دامەزرینن.
دەربارەی وێیەکێ پلانا بلەزا وەزارەتا وان
چییە بۆ پەیداکرنا دەرفەتێن کاری بۆ گەنجان، دارا ڕەشید بەحسا وێیەکێ ژی کر،
"نها ئەگەر ڕەوشا داراییا حکومەتێ باش ژی بیت نەشێت وێ رێزبەندیا ل سالا
٢٠١٤ێ و هەیا نها دروستبووی دابمەزرینیت".
ئاماژە ب وێیەکێ ژی کر، پلانا جیگر ئەوە
کەرتێ تایبەت بهێتە کاراکرن و دامەزراندن د کەرتێ تایبەتدا وەکی کەرتێ گشتی بیت،
دڤێت ب یاسایێ وەل خەلکی بکەن کو بەرەڤ کەرتێ تایبەت بچن و هەمی ئەو مافێن د کەرتێ
گشتی دا هەیە د کەرتێ تایبەت ژی دا هەبیت.
ئەڤ گوتنێن وەزیرێ پلاندانانا حکومەتا هەرێمێ
د دەمەکێ دانە، سالانە ل زانکۆ و پەیمانگەهێن هەرێمێ هەژمارەکا زۆر ژ گەنجان خاندنێ تەمام دکەن و
بەشەکێ زێدە ژی نە ل کەرتێ گشتی و نە ل کەرتێ تایبەت دەرفەتێن کاری ب دەست وان
ناکەڤیت، ئەڤێ ژی دلگرانیا گەنجان و چین و تۆێژێن جودا ل دیڤ خۆ ئینایە.