روونشتنا پەرلەمانێ عێراقێ بۆ دەنگدان لسەر پرۆژەیاسایا بودجەی هاتە پاشئێخستن

AM:10:26:08/06/2023

3180 جار خوێندراوەتەوە

+ -

سەرۆکاتیا پەرلەمانێ عێراقێ روونشتنا پەرلەمانی بۆ دەنگدان لسەر پرۆژەیاسایا بودجەیێ هەرسێ سالێن ٢٠٢٣ و ٢٠٢٤ و ٢٠٢٥ بۆ دەمژمێر ٨ی ئێڤاریا ئەڤرۆ پاشئێخست کو بڕیاربوو دەمژمێر ١ی پشتی نیڤرۆ برێڤە بچیت.

سەرۆکاتیا پەرلەمانێ عێراقێ ڕاگەهاندنەک بەلاڤکر و تێدا هاتیە، روونشتنا پەرلەمانی بۆ دەنگدان لسەر پرۆژەیاسایا بودجەیێ هەر سێ سالێن ٢٠٢٣ و ٢٠٢٤ و ٢٠٢٥ بۆ دەمژمێر ٨ی ئێڤاری هاتە پاشئێخستن.

ئەڤرۆ پێنجشەمبی، ل دیڤ خشتەیێ کارێ پەرلەمانێ عێراقێ، بڕیاربوو دەمژمێر ئێکی پشتی نیڤرۆ پەرلەمان برێڤە بچیت بۆ دەنگدان لسەر پرۆژەیاسایا بودجەیێ عێراقێ و ئەوژی پشتی کو نێزیکی دوو حەفتیانە کارێن پرۆژەیاسایێ تەمامبوویە.

ل رۆژا ٢٦ی ئەیارێ، لژنەیا دارایی ل پەرلەمانێ عێراقێ ڕاگەهاندبوو، دەنگدان لسەر برگەیا پرۆژەیاسایا بودجەی تەمام بوویە و ڕادەستی پەرلەمانی دهێتەکرن.

پرۆژەیاسایا بودجەیێ سالا ٢٠٢٣ێ کۆژمێ وی ١٩٨ ترلیۆن و ٦٨٣ ملیار و ٧١٩ ملیۆن و ٤٧٢ هزار دینارن و تێدا بهایێ پەتڕۆلێ ب ٧٠ دۆلاران هاتیە خەملاندن و بهایێ ئێک دۆلار ژی بەرامبەر هزار و ٣٠٠ دینار هاتیە جێگرکرن، ژ وی کۆژمی ژی ٦٢ ترلیۆن دینار کورتئینان هاتیە دانان.

هەڤدەم، پشکا هەرێما کوردستانێ ژی د بوجەیا عێراقێ دا ب رێژەیا ١٢.٦٧%ێ جێگرکریە و ل دەما دەربازکرنا بودجەی دا هەرێما کوردستانێ مەهانە زێدەتری ترۆلیۆنەک دینار بۆ دهێتە دانان و لهەڤهاتن دگەل حکومەتا فیدڕالی ب ئاوایەکێ یە، هەرێما کوردستانێ داهاتێ پەتڕۆلێ د بەنکاندا بهێتە دانان کو ل ژێر چاڤدێریا حکومەتا فیدڕالی دا بیت و دەستهەلاتا بکارئینانێ ژی ل ژێر دەستێ سەرۆکوەزیرێن هەرێمێ دا دبیت.