سەرنووچە:

سێ داخازی ئاڕاستەی سەرۆکوەزیرێن ئەفغانستانێ هاتنەکرن

PM:08:12:12/09/2021

816 جار خوێندراوەتەوە

+ -

میدیایێن جیهانێ بەلاڤکریە، ئێکەتیا زانایێن مۆسلمانێن جیهانێ پیروزباهی ل مەلا محەمەد حەسەن ئاخوند کر، ب بوونەیا دەستبکاربوونا وی وەکە سەرۆکێ حکومەتا ئەفغانستانێ.


ئاماژە ب وێیەکێ ژی کر، وێ ئێکەتیێ پیرۆزباهیا دلسۆزانەیا خۆ دەربریە دەربارەی وێیەکێ ئەو باوەریا مەلا محەمەد ژ ئالیێ وێ بزاڤێ و ئالیێن دی یێن ئەفغانستانێ پێ هاتیەدان بۆ سەرۆکاتیا حکومەتا نوی یا وی وەلاتی.


ئەوژی دیارکریە، ئەو ئێکەتیە چاڤەرێ دکەت حکومەتا نوی یا وی وەلاتی نمونەیا حکوتەکا ئیسلامی یا پاقژ پێشکێش بکەت و پشت ب راوێژێ ببەستیت و دادپەروەریێ جێبەجێ بکەت.


داخازژی ژ هەمی ئالیێن گەلێ ئەفغانستانێ کریە، پشتەڤانیا حکومەتێ بکەن و ل ئێک تێگەهشتن هەبیت.


ئەڤە د دەمەکیدایە،د حەفتیا دەستپێکێ یا ڤێ مەهێدا، د کونفرانسەکێ رۆژنامەڤانیدا پەیڤدارێ بزاڤا تالیبان ڕاگەهاند، مەلا محەمەد حەسەن وەک سەرۆکێ نوی یێ ئەفغانستانێ و مەلا عەبدولغەنی برادەر وەک جێگرێ سەرۆکێ حکومەتێ هاتنە دیارکرن.


رۆژا ١٥ی مەها دەربازبووی، پشتی کو ئارتێشا ئەفغانستانێ د زۆربەیا باژێراندا پاشڤەکێشی کر، چەکدارێن تالیبان دەست بسەر زۆربەیا باژێر و هەرێماندا گرت و کابۆلا پایتەخت کۆنترۆل کر و رۆژا ٦ی ڤێ مەهێ ژی تالیبان کۆنترۆلا هەمی وەلاتی ڕاگەهاند.

گەلەری